Mateyu 27:30 - Mawu a Mulluku

³⁰ Yaanamuttaphera mare, enakusa ekopweelle enamuukuthana vamuruni vaye.

Mateyu 27:30 ပူးပေါင်းရင်းမြစ်များ

Yesaya 50:6

Kaavelleella mutthanaaka wa ookuukutha, maramaaka wa ookitulla ereru. Ngaawiipitthihelle ekhove ookivevulla ni ookittaphera mare.

Mateyu 26:67

Vano yaamuttaphera mare owiitthoni waye ni omuukutha. Nave amodda yamoopille makofi

Mariko 15:19

Yaanamuukutha ni ekopo vamuru vaye, emuttapheraka mare, yaanamukokhorella mweepewe.

Yesaya 53:7

Athu yaamuhoosa ni omupana, koma olliye khaallotille ello. Wonanko enkhosa yookusiwa wi yiiphiwe, wonanko mwaanaankhosa oomaalleya voomuchemani, olliye khaawakhunlle ello.

Mika 5:1

Nyu a o Yerusalemu, vano atthukumaniheni akhotwaanyu. Nohaapheelliwa! Eneeromuukutha ni ekopo oolamulella a Israele vanramani.

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Yesaya 52:14

Anchichi voomoonani eneerorurumuwa ekaamba yawi ekhovaaye yaari enyenyeyille, vawi khaakhallattho wonanko muthu, mooneyellwaaye kheyaarittho wonanko a muthu.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Mariko 10:34

Yaayo eneerokeerella epewe, eneerokittaphera mare, eneerokiwashulla, eneerokiipha nave vavira mallapo mararu kineerovenya wa ookhwa.”

Mariko 14:65

Nave amodda yahaamba omuttaphera mare Yesu, emukhuneella owiitthoni waye emuukutha, ellota wi, “Llotella awuukuthalle ttaani?” Nave oowehera yaamukusa emuukuthattho.