Mateyu 27:29 - Mawu a Mulluku

²⁹ Vano yaalluwa echipewa ya miiwa emuwariha m'muruni mwaye nave emuphareelliha ekopo mu nnattanatta naye. Nave yaanakokhora vahoollo vaye enamullotella epewe wi, “Mooselliwa, Mwene a Ayuda!”

Mateyu 27:29 ပူးပေါင်းရင်းမြစ်များ

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Mateyu 20:19

Vano eneerokivelleella wa athu ayo ehiri Ayuda, yaayo eneerokillotella epewe, ekiwashulle, ekitthomeye vamutandani koma vavira mallapo mararu kineerovenyihiwa wa ookhwa.”

Mariko 15:18

Yahaamba omvaha mooni wi, “Mooselliwa, Mwene a Ayuda!”

Mateyu 27:37

Yahiiyaatthi vaddullu va murwaaye yoolembiwa ya ekaamba yoomwiiphella wi, “Olla tti Yesu, Mwene a Ayuda.”

Mateyu 26:49

Vano Yudasi aawa moomookollella Yesu allota wi, “Mooni, Ahuddihi.” Eerille ddiiddo aamukhupaarella.

Yeremiya 20:7

Nyu Apwiya, mookilleka, ddawoona, kaallekeya. Nyu tti amasiva okikhwaranya miyaano, ddawoona, mookigonjiha. Arive muthu animakittheya nllapo nittheene, arive muthu animakivevulla moohihiyerera.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Masalimo 69:7

Vawi koovevulliwa, ekhovaaka yoowulliwa muru ekaamba ya nyuwaano.

Mariko 15:17

Vano yaamuwariha Yesu mukanjo wooreera woofiira, elluwa echipewa ya miiwa emuwariha m'muruni mwaye.