Mateyu 27:25 - Mawu a Mulluku

²⁵ Athu attheenaalle yahaakhulla wi, “Mullatu wa okhwa wa muthu yoolla okhalle va hiyaano ni edduullu ddahu.”

Mateyu 27:25 ပူးပေါင်းရင်းမြစ်များ

Yoswa 2:19

Mmodda akhuma mpammo aneeteeta m'musewuni, nnddo anaawooneeye tti mullatu wa vamuru vaye. Hiyaano kheyiivo ninaalakweehu. Koma arive muthu oyo anaakhalle mpa mwawommo, oona otulli, mullatu onaakhalle vamuru vahu.

Mitteko 5:28

Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Deuteronomo 19:10

Mweereke ddenndda wi muhichimwe voowiiphani athu oohilakwa mu ellapo eyo Apwiya Mullukwaanyu enuuvahiiwani wi ekhalle wonanko yoohallanaanyu.

Numeri 35:33

Muhiripihe ellapo eyo munakhalleenyu. Nikhame ninnaripiha ellapo nave tti woohiworeya woopolla ellapweeyo ekaamba ya nikhame nimorihiwe mwemmo ophiyera mumorihalle nikhame na muthu amorihalle nikhamooyo.

1 Mamwene 2:32

Apwiya eneeromullaka Yowabu kaambiiwa aawiipha ni nsupada athu eelli eechilungamo omukhwaranya olliye, attiitthaaka Davide ehidduwellaka. Athwaayo yaari Abinere mwaana a Nere oyo aari akhoto muullupalli a o Israele ni Amasa mwaana a Yetere akhoto muullupalli a o Yuda.

2 Samuele 1:16

Vano Davide aallota wi, “Oddiiphihalle weekha vawi waallota wi, ‘Kaamwiipha oozoziwa a Apwiya.’ ”

Deuteronomo 19:13

Muhimumorelle ethakaraka koma mumuvenyihevo variyari va Aisraele muthu oomwiipha mukhwaaye oohilakwa wi ddeko ddiweetelleni phaama.”

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Mitteko 18:6

Ayuda yamuvaanyihalliiwa emullotellattho epewe, olliye ahaahokollosella voottatthani nthupi va ddoowara ddaye ni ollota wi, “Mullatu okhalle wa nyuwaano! Miyaano nginna mullatu. Ovenyera vano kineerooya wa athu ayo ehiri Ayuda.”