Mateyu 26:41 - Mawu a Mulluku

⁴¹ Muhikoneke, muvekelleke wi muheesiwe. Murimaanyu onnapaalla weera ddaphaama koma mwiillaanyu tti woofooka.”

Mateyu 26:41 ပူးပေါင်းရင်းမြစ်များ

Luka 22:46

Vano ahaakoha wi, “Munakonella tini? Venyani, muvekelle wi muheesiwe.”

Mariko 14:38

Muhikoneke, muvekelleke wi muhivollowe mooweesiwa. Murimaanyu onnapaalla weera ddaphaama koma mwiillaanyu tti woofooka.”

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

Mateyu 6:13

Muhinikuselle woweesiwa, koma munivulluse wa Oonanarooyo.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Yawuupullulla 16:15

“Ngiiwani! Kineeroowa wonanko mullupaawiiya! Oodalisiwa tti muthu oyo ahinakona nave ahinarulla ddoowara ddaye wi khawa eeta oohiwara athu ehoone epwillimwinddaaye.”

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

1 Akorinto 10:13

Weesiwa orive ottheene nko onuuphiyereni tti wenko onamuphiyera arive muthu. Nave Mulluku tti oororomelleya nave khaakhullella wi nyuwaano mweesiwe ohiyana ni masivaanyu awiimella moollipa. Koma enthawi eyo muneesiweenyu aneerowinnyani ettilla yawi muvulluwellemo sika muneerowora ovillella.

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.

Mateyu 24:42

“Sika weherakani kaambiiwa khamunadduwella nllapo niwa noophiya Apwiinyu.

Yawuupullulla 3:10

Kaambiiwa mohiiwellella olamulella waka wi muvillelle, nameenettho kineerowaakihani va enthawi yaweesiwa eyo enaaweelle athu attheene a va ellapo yavatthi.

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

Luka 22:40

Aphiyalleeye omwaangoninko, ahaalleella wi, “Vekellani wi muheesiwe.”

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

1 Akorinto 9:27

Kinnahiiha ni owutthattusa kaporo mwiillaka wi kihilephele kiri miyaano killalleyille othenga waphaama wa amodda.

Mateyu 25:13

“Sika, chenjerani vawi khamunadduwella nllapo nene apaalle enthaweene.”

Masalimo 119:32

Kineerothwara moohakallalla ettilla dda malamulwaanyu, mwakoonjerera ezeru.

Mateyu 26:38

Nave aallota wi, “M'murimani mwaka mooddalla ethakaraka ddinchichi ddookhwana. Hallani vaava nave muhikoneke kinayeemi wi kavekelle.”

Masalimo 119:1

Oodala tti ayo meetellwiiwa ehinna yoochimwa, ayo eneeta moothwara malamulo a Apwiya.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Luka 11:4

Munikhululukelle machimwaahu, vawi ninnaakhululukella attheene enanilakwella. Nave muhinikuselle woweesiwa.’ ”

Luka 8:13

Mmiddo oyo wamorenlle va ethaya ya vamallukuni tti athu ayo enaakhella moohakallalla mawu a Mulluku koma khenna misisi dduullupalli. Vawi enakhulupilila enthawi yooyeva koma va enthawi ya weesiwa, ennahiya enthawi yeeyo.

Masalimo 119:117

Kiseereni wi kivulluwe wi kithwareke malamulwaanyu enthawi ettheene.

Masalimo 119:115

Nyu aweera ddoonanara kivenyerenivoni wi miyaano kithwareke malamulo a Mullukwaaka.