Mateyu 26:18 - Mawu a Mulluku

¹⁸ Olliye ahaalleella wi, “Khaweni wa muthu mmodda m'muzindanimmo, mwamulleelle wi, ‘Ahuddihi enallota wi enthawaaka yohaatamella, kinaachelle owaninyu yoocha ya Paska ni oohudderaaka.’ ”

Mateyu 26:18 ပူးပေါင်းရင်းမြစ်များ

Yohane 7:6

Yesu aallota wi, “Enthawaaka khenaphiye koma wa nyuwaano erive enthawi tti yaphaama.

Yohane 17:1

Yesu amanlleeye ollota nndda aaweha oddullu allota wi, “Attiitthaaka, enthawi yoophiya. Kititimiheni miyaano Mwaninyu wi nameenettho kuutitimiheni nyuwaano.

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 7:30

Vano athu amodda yaapaalla omphara koma khaavo aworille weere ello va olliye kaambiiwa enthawaaye yaari ehinaphiye.

Yohane 7:8

Nyuwaano yaaniwoni o ehakallallo. Koma miyaano ngiyaawo kaambiiwa enthawaaka khenaphiye.”

Yohane 12:23

Nave Yesu ahaakhulla wi, “Enthawi yoophiya vano yawi mi Mwaana a Muthu kititimihiwe.”

Luka 22:53

Nllapo ni nllapo kaanakhalla ni nyuwaano mu enyumba ya Mulluku koma khamwaakimakille. Olla sika mpataanyu vawi munalamulelliwa ni masiva a epiphi.”

Yohane 11:28

Marita allotilleeye ella, aamwiithana mwanamunne Mariya vaweekhiiwa nave aamulleella wi, “Ahuddihi aaphiya nave ennawiithana weyaano.”

Mariko 5:35

Waari Yesu allotaka ddenndda, yaaphiya oorumiwa oovenyera o enyumba ya Yairo, emulleella Yairooyo wi, “Mwanawo aamutthiyanoolle ookhwa kaambiiwa tini onavirellelleewe waakatamiha ahuddihaalla?”

Mateyu 26:2

“Munnadduwella wi vavira mallapo meelli, vineerokhalla Paska. Vano mi, Mwaana a Muthu, kineerovelleelliwa wi katthomeyiwe vamutandani.”

Mateyu 23:10

Muhiromolliwekettho wi ‘Oohoollella’ kaambiiwa muri ni oohoollella mmoddave Mesiyoolle.

Mateyu 23:8

Nyuwaano muhiromolliweke wi ‘Ahuddihi’ kaambiiwa muri ni ahuddihi amoddave nave nyuwaano attheene tti musinne ni murokoriye.

Mateyu 21:3

Muthu mmodda uukohani wi kaambiiwa tini muneereenyu yeella, mwamwaakhulle wi, ‘Apwiya ennaapaalla’ nave eneerewaarumiha mwawaakuva.”

Yohane 20:16

Yesu aallota wi, “Mariya!” Mariya aarukunuwa allota mu Eheberi wi, “Raboni.” Ottaphullella wi, “Ahuddihi.”

Mateyu 26:49

Vano Yudasi aawa moomookollella Yesu allota wi, “Mooni, Ahuddihi.” Eerille ddiiddo aamukhupaarella.

Mateyu 26:19

Oohudderaalle yaheera nnddo yaalamulelliwiiwa ni Yesu, sika yaakhoza yoocha ya Paska.