Mateyu 25:45 - Mawu a Mulluku

⁴⁵ Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

Mateyu 25:45 ပူးပေါင်းရင်းမြစ်များ

Miyambo 21:13

Oyo ahinawaapella maaru oohoowa yaawinllaka khanaapelliwa maaru aawinllaka.

Miyambo 17:5

Oyo anamweerella epewe oohoowa anamuvevulla oyo amuphatusalle nave anahakallalla ni otulli aneerollakiwa.

Mitteko 9:5

Olliye ahaakhulla wi, “Nyu ttaani, Apwiya?” Mawaayo yahiiweya wi, “Mi tti Yesu onamuhooseewe.”

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Miyambo 14:31

Owaanyingallella oohoowa annamweerella epewe Mullukwaaye koma ooweerella echifundo oopaneya annamutitimiha.

Masalimo 105:15

Yaallota wi, “Muhaattannye oozoziwaaka,* muhiweerelle yoonanara anamallotellaaka.”

Zekariya 2:8

Vawi arive muthu anuurontthani anaronttha m'mwiitthoni mwaka.” Sika Apwiya Amasiva Mattheene aakirumiha wi kaddilleelle mitundu dda athu nnddo ddawaakhille athwiiwa wi,

Numeri 24:9

Israele ahiitta akonaatthi vatthi wonanko mukango, waamullopwana apaalle waamutthiyana. Ethiyo anaamuvenyihe ttaani? Oodala tti muthu oyo anuudalise ootembeleliwa tti muthu oyo anuutembelele.”

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Mateyu 10:41

Oomwaakhella namallotella kaambiiwa tti namallotella, aneerothuviwa moollikana ni namallotella. Nave oyo anamwaakhella muthu oolungama kaambiiwa tti oolungama, aneerothuviwa moollikana ni muthu yooyo.

Mateyu 25:44

Vano eneeromwaakhulla wi, ‘Apwiya, nawonneni niini nyuwaano muvolliwe ettalla apaalle muvolliwe nthona apaalle muri mulleto apaalle muhiri ni yoowara apaalle muri oovoriiwa apaalle muri mundende, hiyaano nihuurumeyellani?’

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

1 Akorinto 8:12

Nave mwawi ddiidda vawaalakwellani asinninyu ni arokorinyu ni ophoreyiha yawuupusella murimiiwa yoofooka munamuchimwella Khrisitu.