Mateyu 25:42 - Mawu a Mulluku

⁴² Vawi kaavolliwa ettalla koma khamwaakichihalle, kaavolliwa nthona koma khamwaakivahille yoowirya.

Mateyu 25:42 ပူးပေါင်းရင်းမြစ်များ

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

1 Akorinto 16:22

Oyo ahinaakonda Apwiya akhalle ootembeleliwa. Apwiihu waani!

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Mateyu 12:30

“Muthu oyo ahiniiwanana ni miyaano, yooyo annakikhoota miyaano; navettho oyo ahinakikavihera waatthukumaniha athu mu omwene wa Mulluku yooyo annaamwaramwasa athu mu omwene wa Mulluku.

1 Yohane 4:20

Nallota wi ninnamukonda Mulluku koma ninawiita asinnihu ni arokorihu hiyaano tti awoottha. Vawi athu khewora omukonda Mulluku oyo ehimoonilliiwa, ehaakondaka asinniwa ni arokoriwa, ayo ewoonilliiwa.

Yohane 14:21

“Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”

Mateyu 25:35

Vawi kaavolliwa ettalla nave mwaakichiha, kaavolliwa nthona nave mwaakivaha yoowirya, kaari mulleto nave mwaakaakhella m'mawaninyu.

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

Mateyu 4:2

Nave emanlle mallapo 40 otthaana ni mahiiyu ahaallaka ocha, ettalla yaamuvolla.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Mateyu 25:43

Kaari mulleto koma khamwaakaakhenlle m'mawaninyu, ngaari ni yoowara koma khamwaakiwarihalle, kaavoriiwa ni okhalla mundende koma khamwaawiille mwaarera ni miyaano.’