Mateyu 25:41 - Mawu a Mulluku

⁴¹ “Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Mateyu 25:41 ပူးပေါင်းရင်းမြစ်များ

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.

2 Atesalonika 1:9

Yaayo eneerollakiwa ni woonongiwa woohimalla ni waamwallaniha vamiitthoni va Apwiya ni ntitimiho naye ni masivaaye,

Mateyu 13:42

Nave eneerovokhelliwa vamunlloni wawoopiha, wenko eneerekewinlla ni okhuuriha miino.

Mateyu 13:40

Mmo nansongole anaatthukumanihiwiiwa ni ohelliwa munllo, emoddamoddave yeeyo eneereweereya va omalla wa ellapo yavattheella.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Mateyu 7:23

Vano kineerewaalleella wi, ‘Nguudduwenlleni naari vang'ono. Mukivenyerevo, nyu athu aweera ddoonanara!’

Mateyu 3:12

Ookusa etthello m'mattani mwaye wi amuveethe tirigu. Aneeromuhella tirigwaaye mukhokweni mwaye; koma aneerowoosa mallullaayo vamunlloni woohithiima.”

Aheberi 6:8

Koma yamella kakande ni miiwa enakhalla yoohikhalla ni mutteko sika Mulluku ari vakhuviru oyitembelela ni oyihella munllo.

Mateyu 13:50

Nave oonanaraayo eneerewaavokhella vamunlloni wawoopiha, wenko eneerekewinlla ni okhuuriha miino.”

Yesaya 66:24

“Nave alliwa eneerokhuma ni woona mitembo dda athu ayo yakiwukilalle vawi mapwihiiwa khewa ekhwa, munllwiiwa khowa othiimihiwa nave eneerekewaananara athu a mitundu ddittheddene.”

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

Luka 16:24

Sika aakhuwa wa Abrahamu wi, ‘Attiitthaaka, mukeerelle echifundo, m'murumihe Lazaro wi atthaveye etthoka ya eyaallaaye m'maaddini nave akiriiryihena ommilloni waka vawi kinimahoowa wunchichi m'munllonimmu!’

Luka 13:27

Aneerollotattho wi, ‘Nginuudduwellani. Munavenyera wuuwi? Mukivenyerevo, attheenenyu athu oonanara!’

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

Mateyu 18:8

“Nnatta nawo apaalle nnyallo nawo nuuchimwiha, oniphadde nave onitathille! Tti waphaama wa weyaano wi wavollowe mu okumi woohimalla ori oophaddeya nnatta apaalle nnyallo ohiyana ni okhalla ni matta meelli apaalle manyallo meelli koma ovokhiwa m'munlloni woohimalla.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Yeremiya 17:5

Apwiya enallota wi, “Otulli wa oyo anamuroromella muthu, oyo anahameella va muthu wi amukavihere, anakihiya mi Apwiya.

Masalimo 139:19

Nyu Mulluku, wakhalla wooworeya woonongeni athu oonanara, kivenyiherenivoni athu oomoriha nikhame.

Masalimo 119:115

Nyu aweera ddoonanara kivenyerenivoni wi miyaano kithwareke malamulo a Mullukwaaka.

Masalimo 119:21

Nyuwaano munnaahumullulla awiitukhulla, ootembeleliwa tti ayo enahiya malamulwaanyu.

Masalimo 6:8

Mukivenyerevo, nyu attheene oonanara vawi Apwiya ahiiwa winlla waka.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Mateyu 25:42

Vawi kaavolliwa ettalla koma khamwaakichihalle, kaavolliwa nthona koma khamwaakivahille yoowirya.

2 Atesalonika 1:7

Nave nyuwaano munahoosiwa aneerewuuvahani wiithuuwa vamodda ni hiyaano. Aneere ddenndda Apwiya Yesu yooneya ovenyera oddullu vamodda ni angelwaaye amasiva,