Mateyu 25:40 - Mawu a Mulluku

⁴⁰ “Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 25:40 ပူးပေါင်းရင်းမြစ်များ

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Miyambo 14:31

Owaanyingallella oohoowa annamweerella epewe Mullukwaaye koma ooweerella echifundo oopaneya annamutitimiha.

Mateyu 10:42

Nave oyo anamuvaha mmodda mwa oohuddera oohambuwaalla naari kapu amaaddi oowirya ooriirya kaambiiwa tti oohudderaaka, kinimuulleellani ddawoona wi, aneerothuviwa.”

Mariko 9:41

Ddawoona, kinimuulleellani wi muthu oyo anuuvaheni maaddi oowirya nyuwaano ekaamba ya nnddina naka aneerothuviwa.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Mateyu 10:40

“Oyo anawaakhellani nyuwaano anakaakhellattho miyaano, oyo anakaakhella miyaano annamwaakhellattho Mulluku oyo akirumalle.

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

1 Yohane 4:20

Nallota wi ninnamukonda Mulluku koma ninawiita asinnihu ni arokorihu hiyaano tti awoottha. Vawi athu khewora omukonda Mulluku oyo ehimoonilliiwa, ehaakondaka asinniwa ni arokoriwa, ayo ewoonilliiwa.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

Aefeso 5:30

vawi hiyaano tti eziwalo dda mwiillaaye.

Agalatiya 5:13

Nave nyuwaano, asinnaka ni arokoraka, muhaakhullelle wi ottaphulliwa wonngu okhalle ekari yawi mulamuliweke ni ddoopaalla dda mwiillaanyu. Nave mukhalle oorumeyellana mmodda ni mukhwaaye mu echikondi.

2 Samuele 9:7

Davide aamulleella wi, “Ohoove. Kinapaalla wi kiweerelle echifundo ekaamba ya Yonatani, attiittho. Kineerewuuhokollosella ellapo ettheene ya apwiiyo Saulo. Onaacheke ni miyaano mallapo mattheene.”

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

Mateyu 28:10

Vano Yesu aallota wa yaayo wi, “Muhoove, khaweni mwaalleelle oohudderaaka wi eye o Galileya nave eneerokoona miyaano wenko.”

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

2 Samuele 9:1

Nllapo nimodda Davide aakoha wi, “Ethiyo ookhallawo oyo ahanlle ovenyera mu nibanja na Saulo? Kinapaalla wi kimweerelle echifundo ekaamba ya Yonatani.”

2 Akorinto 4:5

Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

2 Mamwene 4:10

Hankoni nimumakelle mwanachipinda yamuddullu nave nimuhiyeremo bedi, tebulo, mpando ni enyali wi erive enthawi aanaarerellaka, akhallekemo.”

Mateyu 25:39

Nawonneni niini muvoriiwaka apaalle muri mundende niwa naarera ni nyuwaano?’

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

Luka 19:38

“Oodalisiwa Mwene oyo anawa mu nnddina na Apwiya! Murendelle oddullu nave ntitimiho wa Mulluku!”

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Yeremiya 39:17

Koma weyaano kineerewuuvullusa nllapo nenno nave khovelleelliwa wa athu oyo onawooveewe.