Mateyu 25:36 - Mawu a Mulluku

³⁶ Ngaari ni yoowara koma mwaakiwariha, kaavoriiwa koma mwaakikavihera, kaari mundende koma mwaawa mwaarera ni miyaano.’

Mateyu 25:36 ပူးပေါင်းရင်းမြစ်များ

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Aheberi 13:3

Muwuupuwelleke ayo eri mundende wonanko nyuwaano murittho wenko. Muwuupuwelleke ayo enahoosiwa wonanko nyuwaanottho munahoosiwella nimodda.

Aheberi 10:34

Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Luka 3:11

Ahaakhulla wi, “Muthu arina malaya meelli anaphwanella wi amuvahe amoddaayo mukhwaaye oyo ahinna nave muthu arina yoocha aakawellettho akhwaaye.”

Mateyu 25:43

Kaari mulleto koma khamwaakaakhenlle m'mawaninyu, ngaari ni yoowara koma khamwaakiwarihalle, kaavoriiwa ni okhalla mundende koma khamwaawiille mwaarera ni miyaano.’

Ezekiele 34:4

Khamuddillipihalle enkhosa ddoofooka, khamuddichirihalle ddoovoriiwa, khamuddimakille makhwatiiwa ddoophoreya, khamuddihokollosille ddoohollowa nave khamuddaashaashille ddoorimella. Koma mwaanaddichiha mweekuku.

Ezekiele 18:7

ahinamuhoosa arive muthu koma annamuhokollosella echikole amukongolihalleeye makobiri, khaniiya, annaachiha eettalla nave annaawariha oosiwa,

Yesaya 58:7

Eettalla mwaakawelleke ddoocha ddanyu nave oorama vookhalla mwaakawellekewo nipuro nanyu, oosiwa mumvaheke yoowara nave mwaakavihereke abalaanyu.

Ezekiele 18:16

oohimuhoosa arive muthu, oohaakhella echikole nave oohiiya, koma owaachiha eettalla ni waawariha oosiwa,

Mateyu 25:37

“Athu aweera echilungamo eneeromwaakhulla wi, ‘Apwiya, nawonneni niini nyuwaano muvolliwalle ettalla nuuchihani apaalle muvolliwe nthona nuuvahani yoowirya?