Mateyu 25:34 - Mawu a Mulluku

³⁴ Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Mateyu 25:34 ပူးပေါင်းရင်းမြစ်များ

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Yawuupullulla 21:7

Enaapambanaayo eneerewaakhella yeella ovenyera wa miyaano, kineerokhalla Mullukwiiwa nave eneerokhalla anaaka.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Mateyu 20:23

Yesu ahaakhulla wi, “Ddawoona muneeromuwiryella kapu kinaamuwiryelleemi koma nginna olamulello woomutthoolla oyo anaakhalle o nnattanatta naka apaalle o nnatta naka noonyottho. Koma mapuro yaalla tti ayo ekhozeriwe ni Attiitthaaka.”

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.

Aheberi 4:3

Vano hiyaano nikhulupililalleva, ninnaakhella wiithuuwa wonanko mmo allotilleeye wi, “Kishille murima kaallupella wi, ‘Khewa evollowa mu nipuro naka nawiithuuwellamo!’ ” Allotille ddenndda naari amallihalleeye muttekwaaye va enthawi amallihalleeye ophatusa ellapo yavatthi.

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

1 Akorinto 15:50

Eyo kinaakeemi, asinnaka ni arokoraka, tti yawi yawoopiwa ni mwiilli ni nikhame khewora waakhella omwene wa Mulluku nave yoomalla khewora waakhella yoohimalla.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

1 Akorinto 2:9

Nave mawu a Mulluku enallota wi, “Eyo muthu ahoonilleeye apaalle wiiwa, eyo muthu ahiganizereeye wi ttuuweereya, tti yeeyo Mulluku aakhozereeye ayo enamukonda.”

Mateyu 25:21

Apwinnyaalle yaallota wi, ‘Woheera phaama, we mullupa mutteko aphaama ni oororomelleya. Waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Mateyu 19:29

Nave attheene ayo ehiyalle enyumba ddiwa apaalle asinniwa naari arokoriwa apaalle attiitthiiwa apaalle ameewa naari aniiwa apaalle emata ddiwa kaambiiwa tti oohudderaaka eneerewaakhella nnddo ehiyalliwa waakullella 100 nave eneerewaakhella okumi woohimalla.

Mateyu 13:35

Aheera nndda wi ddikwakhwanelle nnddo allotille namallotella Yesaya wi, “Kineerophariha mutteko maphwanaphwaniho kaallotaka. Kineerewaalleella ddeko ddoovittheya waambeella va ophatuwa wa ellapo yavatthi.”

1 Petro 3:9

Muhimuhokolloselleke mukhwiinyu yoonanara aweerellani yoonanara apaalle omutembelela olliye uutembelelani koma mumuhokolloselleke madaliso wi Mulluku uudaliseni wonanko alonjezilleeye awiithanneeyeni.

2 Timoteo 2:12

Navillella, nineerolamula vamodda ni olliye. Namukhoota olliyooyo, nayeenettho aneeronikhoota.

Agalatiya 5:21

ennakhalla eehache, oolezela, ennakhalla vamachellelloni ni olezela ni weera ddeko ddimodda ddawi ddiidda. Kinimuuchenjezani vano wonanko kenreemi vawaamba wi ayo eneera ddeko ddenndda kheyaakhella omwene wa Mulluku.

1 Akorinto 6:9

Ethiyo khamunadduwella wi athu aweera ddoonanara kheyaakhella omwene wa Mulluku? Muhiddoottotthe weekhiinyu! Ooraruwa apaalle oollapella mafano apaalle ookonana ni allopwana akhwiiwa

Luka 19:38

“Oodalisiwa Mwene oyo anawa mu nnddina na Apwiya! Murendelle oddullu nave ntitimiho wa Mulluku!”

Mateyu 5:19

Vano oyo ahiniiwellella nimodda na malamulo yaalla naari lamulo ning'onong'ono navettho anaahuddiha athu amodda wi ehiiwellelleke, yooyo aneerokhalla mung'onong'ono mu omwene wa Mulluku. Koma oyo aniiwellella malamulwaalla navettho anaahuddiha athu amodda wi yiiwellelleke, aneerokhalla muullupalli mu omwene wa Mulluku.

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

Zefaniya 3:15

Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.

Daniele 9:25

Vano dduwella nave iiwesesa wi ovenyera enthawi eyo mawu yiiweyilliiwa awi Yerusalemu aneeropotokosiwattho ni omakiwattho ophiyera enduna yoozoziwa ephiyalle,* vinaavire miyakha mitthanu ni miilli oruuwiha otthanu ni opiilli. Sika muzindooyo oneeromakiwattho ori ni misewu ni engalande ddawiitetezella nave onakhallewo miyakha 62 oruuwiha otthanu ni opiilli koma enaakhalle enthawi ya ddoohoosa.

Yesaya 33:22

Vawi Apwiya sika ooneeruzaahu, Apwiya sika oonilamulellaahu, Apwiya sika mwenaahu nave alliwa sika enaanivulluse.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Yawuupullulla 5:10

Mwaaweeriha wi ekhalle omwene wa allupa mukutho oorumeyella Mullukwaahu, nave eneerolamulella ellapo yavatthi.”

1 Petro 1:9

kaambiiwa munnaakhella ovullusa wa okumaanyu, eyo eri yoolinga ya echikhulupilwaanyu mwa yooyo.

Aheberi 9:26

Khrisitu iiheraatthiki mukutho orive muyakha ddaano ahoowaka orive muyakha ovenyera mvo ellapo yavattheella yaphatuselliwiiwa. Koma vano akhwille omoddave waatamella o omamallihello wa ellapo yavatthimva wi iiheraatthi mwaneenaaye mukutho woohuwa machimo.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

1 Atesalonika 2:12

Nahuullipihani murima, nahuukhurumusani murima nave naanuuvekani wi mukhalleke ni makhallello oomuhakallalliha Mulluku, oyo anawiithanani nyuwaano wi muvollowe mu omwenaaye nave mu ntitimiho naye.

Aroma 8:17

Vawi hiyaano tti anaaye, nineerewaakhella madaliso anaasungelleeye athwaaye, ninaakhelle ddenndda nimodda ni Khrisitu vawi noona ddoohoosa ni Khrisitu, nineerewaakhellattho ntitimiho naye.

Mitteko 15:18

Sika Apwiya yaheeriha ddenndda wi ddidduwanyeye khalle.’

Mitteko 3:26

Nave Mulluku amutthoonlleeye oorumeyellaaye, aambille omurumiha wa nyuwaano wi uudaliseni vooweerihani attheenenyu wi murukunuwe murima o machimwaanyu.”

Yohane 19:15

Yaakhuwa wi, “Mwiipheni! Mwiipheni! Mutthomeyeni vamutandani!” Pilato ahaakoha wi, “Munapaalla kimutthomeye vamutandani mwenaanyu?” Allupa mukutho uullupalli yahaakhulla wi, “Hi khaninna mwene mmodda koma Kaisarave.”

Yohane 12:13

Sika yaakusa enthambi dda miteekho ddakanjeza eya woomuchingamella yooyo, ekhuwaka wi, “Ntitimiho nikhalle wa Mulluku! Oodalisiwa oyo anawa mu nnddina na Apwiya! Oodalisiwa Mwene a o Israele!”

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

Mariko 10:40

Koma nginna olamulello woomutthoolla oyo anaakhalle o nnattanatta naka apaalle o nnatta naka noonyottho. Koma mapuro yaalla tti ayo ekhozeriwe ni Mulluku.”

Mateyu 27:37

Yahiiyaatthi vaddullu va murwaaye yoolembiwa ya ekaamba yoomwiiphella wi, “Olla tti Yesu, Mwene a Ayuda.”

Mateyu 25:23

Apwinnyaalle yaallota wi, ‘Woheera phaama, we mullupa mutteko aphaama ni oororomelleya, vawi waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Mateyu 21:5

“Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

Aefeso 5:5

Vawi mudduwelle wi khaavo muthu ooraruwa, aweera yooripiha apaalle anrima (vawi nrima niri wonanko ollapella mafano) anaakhellena omwene wa Khrisitu ni wa Mulluku.

Miyambo 11:17

Muthu eechifundo anneerella okumaaye ddaphaama koma eekuku aniihoosa yeekha.

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mariko 10:17

Yesu avirellelleeye ni olendwaaye, muthu mmodda aamuthamakella, amukokhorella amukoha wi, “Ahuddihi aphaama, keere tini wi kaakhelle okumi woohimalla?”

Luka 11:50

Sika athu a mbadoolla eneerollakiwa ekaamba ya wiiphiwa wa anamallotella waambeella mvo ellapo yavatthi yaphatusiwiiwa,

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.