Mateyu 25:19 - Mawu a Mulluku

¹⁹ “Villekenlle wunchichi, apwiya a allupa muttekwaalle yaawaawo. Nave yaawiithana allupa muttekwaalle wi emutakhelle mmo yapharihelliiwa mutteko eyuumeelle.

Mateyu 25:19 ပူးပေါင်းရင်းမြစ်များ

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

Mateyu 25:5

Vano ootthelloolle aselliweeye anamwalli attheene yaaphariwa ni ekhove sika yaakona.

Mateyu 24:48

Koma mullupa muttekoolle akhalla oonanara, aneerollota m'murimani mwaye wi apwinnya emmaselliwa.

Yakobo 3:1

Asinnaka ni arokoraka, anchichi a nyuwaano muhikhalle ahuddihi kaambiiwa hiyaano ahuddihi nineereweeruziwa mookhwaranya athu amodda.

Mateyu 25:18

Koma mullupa mutteko aakhenlle nimoddoolle aaya akata nlliti vatthi, avittha nikobiri na apwinnyaanne.

Aroma 4:6

Davide aallotattho dda madaliso enawa wa athu ayo Mulluku anawaakhullelleeye wi tti oolungama ohiri ekaamba ya mitteko ddiwa wi,