Mateyu 25:10 - Mawu a Mulluku

¹⁰ Sika ookarangeyaalle yaaya wookulla makhura mamodda nave eviralle, ootthella aaphiya. Atthanu eezeru yaakhozekillaalle yaavollowa ni olliye mu machellello a okwati. Nave nchiwi naawalliwa ookarangeyaalle ehinahokollowe.

Mateyu 25:10 ပူးပေါင်းရင်းမြစ်များ

Luka 13:25

Vano mwaneena a enyumbeeyo aneerowalla o mullako nave amodda a nyuwaano muneerewiimella vaatte, mookothaka vanchiwini mullotaka wi, ‘Apwiya, nihullelleni.’ Olliye aneerewaakhulla wi, ‘Nginuudduwellani. Munavenyera wuuwi?’

1 Petro 1:13

Sika vano, maganizwaanyu ekhalle ookhozeka. Chenjerani nave mutiyerelle wunchichi va echisomo eyo enaavahiwe wa nyuwaano Yesu Khrisitu uupullulliwa.

Mateyu 24:44

Sika vano nyuwaano munaphwanella mukhozekettho kaambiiwa va enthawi eyo muhinadduwelleenyu mi, Mwaana a Muthu kineeroowa.”

Yawuupullulla 22:20

Oyo anavelleella omboni wa ddittheddenenndda anallota wi, “Ddawoona miyaano kinimawa veneva!” Amen! Waani Apwiya Yesu.

Mateyu 25:6

“Variyari va mahiiyu wahiiweya okhuwa wi, ‘Otthella oophiya! Khumani mwakumanena!’

Masalimo 95:11

Sika kishille murima kaallupella wi, “Khewa evollowa mu nipuro naka nawiithuuwellamo.”

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Mateyu 7:21

“Khe arive muthu anakiithana wi, ‘Apwiya, Apwiya’ anaavollowe mu omwene wa Mulluku. Vawi weera ddiiddo khonakwakhwanella koma ayo eneera ddoopaalla dda Attiitthaaka ooddullu sika enaavollowe.

Mateyu 24:42

“Sika weherakani kaambiiwa khamunadduwella nllapo niwa noophiya Apwiinyu.

Mateyu 24:43

Mwaneena a enyumba adduwenlleke enthawi yooweella mullupaawiiya, aawerekowehera wi mullupaawiiyooyo ahivollowe mu enyumbeeyo.

Luka 12:35

“M'makelleni laamba okhozekella mutteko nave enyali ddanyu ddikhareke,

Yawuupullulla 19:7

Hankoni nihakallalle, hankoni nititimihe wunnuwa waye! Vawi enthawi ya machellello a okwati wa mwaanaankhosa aaphiya nave ootthelliwooyo ookhozekella khalle.