Mateyu 24:48 - Mawu a Mulluku

⁴⁸ Koma mullupa muttekoolle akhalla oonanara, aneerollota m'murimani mwaye wi apwinnya emmaselliwa.

Mateyu 24:48 ပူးပေါင်းရင်းမြစ်များ

Mateyu 18:32

Sika mwenoolle aamwiithana mullupa muttekoolle amulleella wi, ‘We mullupa mutteko oonanara murima, kahuukhululukella ekongoli ettheeneelle kaambiiwa waakiveka wi kuukhululukelle.

Luka 12:45

Koma mullupa muttekooyo allota m'murimani mwaye wi apwinnya emmaselliwawo, aamba owuukutha allupa mutteko akhwaaye, aallopwana ni aatthiyaneene navettho anacha, anawirya ni olezela,

Yesaya 32:6

Ookarangeya anallota ddookarangeya nave anaganiza ddoonanara. Ddaweera ni ddoollota ddaye tti ddawaanyaambusa Apwiya. Olliye khanaachiha eettalla nave khanaavaha maaddi anthona.

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

Yohane 13:2

Nave enthawi ya mugonelo ehinaphiye, Satana aari ahiyalle khalle maganizo m'murimani mwa Yudasi, mwaana a Simoni Isikariyoti wi amuvelleelle Yesu wi iiphiwe.

Mariko 7:21

Vawi m'murimani mwa muthu munnavenyera maganizo oonanara, oraruwa wiiya, wiipha,

Deuteronomo 9:4

“Vano Apwiya Mullukwaanyu yawiikariha alliwaayo nyu muhilloteke ni murima wi yuuvollochihalleni ni wuuvahani ellapweeyo ekaamba ya echilungamwaanyu. Khe ddiiddo! Apwiya eneerowiikarellani athwaayo vamiitthoni vanyu kaambiiwa alliwaayo tti oonanara.

Mitteko 8:22

Vano ohiye ddeko ddoonanaranndda nave ovekelle wa Apwiya wi yuukhululukelle maganizwaawo oonanara.

Luka 19:22

Nave mwenoolle aallota wi, ‘We, mullupa mutteko oonanara murima, kinaathware mawaawo yaayo wi kuuvaanyihe weyaano! Onnadduwella wi miyaano tti muthu awumma murima, ookusa ehiri yaaka nave oohata eyo kihaanlleemi.

Mateyu 25:26

“Apwinnyaalle yaamulleella wi, ‘We, mullupa mutteko oonanara ni oolesi. Waadduwella wi kinnahata mvo kihanlleemi navettho kinnatthukumaniha mvo kihimiddalleemi?

Ezekiele 12:27

“We mwaana a muthu, Aisraele attheene enaganiza wi ddeko onaddooneewe m'masomphenya ni ollotella wawo khaddeereya naanweene vaava.

Ezekiele 12:22

“We mwaana a muthu, ethiyo mwambi oniiweya mu ellapo ya Israeleella onattaphullella tini? Mwambooyo tti wawi, ‘Mallapo ennaata koma dduupullulliwe m'masomphenya khaddineereya.’

Oollalleya 8:11

Aweeruza yaasellihaka omullaka muthu oochimwa, athu amodda ennallipa murima enapaalla weera ddoonanara.

2 Mamwene 5:26

Koma Elisha aamukohattho wi, “Ethiyo munepaaka khawaawuuvelleelle valle muthoolle akittheeye va nigareta wi uuchingamelle? Ethiyo yeella yaari enthawi yawaakhella makobiri ni ddoowara, emata dda olivi ni dda mmiddo wa mpesa, apaalle eziweto, akaporo aallopwana apaalle aatthiyana?

Deuteronomo 15:9

Muchenjere wi muhiwatteelleke okongoliha ni maganizo oonanara awi muyakha wookhululukella ekongoli ori vakhuviru. Mwaahimoollowella matta mukhwiinyu oohoowa, oohimuvaha ello olliye aneerewuusumellani wa Apwiya vawinllani nave muneerophwanyeya oochimwa.

Mateyu 24:47

Ddawoona, kinimuulleellani wi aneeromweera mullupa mutteko yooyo wi awehereke ddeko ddaye ddittheddene.

Mateyu 24:49

Nave aneerewaamba owuukutha allupa mutteko akhwaaye, ocha ni owirya ni athu oolezela.