Mateyu 24:42 - Mawu a Mulluku

⁴² “Sika weherakani kaambiiwa khamunadduwella nllapo niwa noophiya Apwiinyu.

Mateyu 24:42 ပူးပေါင်းရင်းမြစ်များ

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

1 Atesalonika 5:6

Sika vano nihikoneke wonanko amodda ayo koma muvenyeke nave mukhalleke oowehera.

Mateyu 25:13

“Sika, chenjerani vawi khamunadduwella nllapo nene apaalle enthaweene.”

Yawuupullulla 16:15

“Ngiiwani! Kineeroowa wonanko mullupaawiiya! Oodalisiwa tti muthu oyo ahinakona nave ahinarulla ddoowara ddaye wi khawa eeta oohiwara athu ehoone epwillimwinddaaye.”

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

Mateyu 24:36

“Khaavo anadduwella nllapo ni enthawi ya owa wa miyaano Mwaana a Muthu naari angelo naari mwaneenaka, koma Attiitthaakave sika enadduwella.

Aroma 13:11

Munaphwanella wi mweereke ddiidda kaambiiwa munnadduwella wi enthawi yookwakhwana yawi muvenye. Vawi vano oovullusa ohaatamella ohiyana ni enthawi eyo naambeelleehu okhulupilila.

Mateyu 24:44

Sika vano nyuwaano munaphwanella mukhozekettho kaambiiwa va enthawi eyo muhinadduwelleenyu mi, Mwaana a Muthu kineeroowa.”

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

Mateyu 24:43

Mwaneena a enyumba adduwenlleke enthawi yooweella mullupaawiiya, aawerekowehera wi mullupaawiiyooyo ahivollowe mu enyumbeeyo.

Mateyu 25:10

Sika ookarangeyaalle yaaya wookulla makhura mamodda nave eviralle, ootthella aaphiya. Atthanu eezeru yaakhozekillaalle yaavollowa ni olliye mu machellello a okwati. Nave nchiwi naawalliwa ookarangeyaalle ehinahokollowe.

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.