Mateyu 24:37 - Mawu a Mulluku

³⁷ Owa wa miyaano, Mwaana a Muthu, onaakhalle wonanko mmo ddeko ddakhallelliiwa m'mallaponi a Nowa.

Mateyu 24:37 ပူးပေါင်းရင်းမြစ်များ

2 Petro 3:6

nave ellapo yavatthi yakhalle yahoonongiwa ni maaddi yaayo, maaddi oosefukella.

2 Petro 2:5

Mulluku khaawalleville khalle athu a va ellapo yavatthi koma ahaarumiha maaddi eddalla va ellapo yavatthi ya athu oohimullapella Mulluku. Ayo aavullusalleeye tti Nowa, oyo allalleya dda echilungamo ni athu amodda atthanu ni eelli.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Mateyu 24:39

Kheyaadduwenlle ello ophiyera maaddi yaasefukella ni waakusa attheene. Owa wa miyaano, Mwaana a Muthu, onaakhalle wawi ddiidda.

Genesis 6:8

Koma Nowa aheerelliwa echifundo ni Apwiya.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 24:3

Vano Yesu akeraatthille va mwaango wa Olivi, oohudderaaye yaawa mwa weekhiiwa. Yaamukoha wi, “Nilleelleni ddittheddene ddenndda ddineereye niini? Nave echizindikiro ya enthawi ya owa wanyu waneepiilli ni omalla wa ellapo yavattheella enaakhalle yawiidde?”

Mateyu 24:27

Vawi mi, Mwaana a Muthu, kineeroowa wonanko ettari enasherima muddullu ovenyera wookhuma nndduwa ophiyera woovollowa nndduwa.

Mateyu 24:30

Vano vaavo echizindikiro ya mi, Mwaana a Muthu, eneerewooneya muddullu. Navettho malloko mattheene a athu a va ellapo yavatthimva eneerekewinlla yaakoonaka mi Mwaana a Muthu kiwaaka vamiraponi ddooddullu ni masiva ni ntitimiho nuullupalli.