Mateyu 24:29 - Mawu a Mulluku

²⁹ “Enthawi yeeyo ddamalla ddoohoosa dda mallapo yaayo, nndduwa nineerothiima nave mweeri khowala, etheneeri ddineeromora ovenyera oddullu nave masiva a muddullu eneerotikhiwa.

Mateyu 24:29 ပူးပေါင်းရင်းမြစ်များ

Amosi 8:9

Apwiya Mulluku enallota wi, “Va nllapo nenno kineeroripiha nndduwa otthaana, kineeromoriha epiphi va ellapo yavatthi nndduwa niikimoopa.

Yowele 3:15

Nndduwa ni mweeri ddinnathiima, etheneeri ddinnahiya owala.

Yesaya 13:10

Vawi etheneeri ddittheddene ddooddullu khaddiwala. Nndduwa nineeroripa vookhumani nave mweeri khowala.

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

Yesaya 34:4

Nndduwa, mweeri ni etheneeri ddineeronyenyeya nave oddullu waavenyihiwavo wonanko mwinlli woovillikiwa. Etheneeri ddineerovakareya wonanko makukhu a mpesa apaalle namukuyu.

Yawuupullulla 8:12

Mungelo aneesese ahoopa nipallapata naye. Emodda mwa ezigawo ddiraru dda nndduwa, mweeri ni etheneeri ddahoonongeya sika owala wiwa waatthattuwa epiphi. Owala khewaariwo waambeella emodda mwa ezigawo ddiraru dda otthaana ni dda mahiiyu.

Yowele 2:10

Ellapo yavatthi ennatikheya alliwa yaawaatamellaka. Oddullu onnatthukumella, nndduwa ni mweeri ddinnathiima, etheneeri ddinnahiya owala.

Amosi 5:20

Ethiyo khanihiyo nllapo na Apwiya neepiphi ohiri noowala, neepiphi yoottika ohiri noowalesesa?

Mateyu 24:21

Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera va ophatuwa wa ellapo ophiyera ollello nave khaddiwa ddeereyattho ddoophwanaphwana ni ddenndda.

Mateyu 24:8

Ddeko ddittheddenenndda ddinaakhalle wonanko ddoovoreya ddawaamba mwaana aayariwaka.

Oollalleya 12:2

Enthawi ya wuulluvalla wawo nndduwa, owala, mweeri ni etheneeri ddinaakhalle epiphi nave mirapo ddineerohokollowattho murimu amwarille.