Mateyu 24:24 - Mawu a Mulluku

²⁴ Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Mateyu 24:24 ပူးပေါင်းရင်းမြစ်များ

Mariko 13:22

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Mateyu 24:11

Vano anamallotella anchichi awoottha eneerewooneya ni owoottottha athu anchichi.

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Mateyu 24:5

Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave eneerowoottottha athu anchichi.

2 Petro 3:17

Koma nyuwaano, ookondiwaaka, munnadduwella khalle yeella. Chenjerani, vano wi muhihollosiwe ni machimo a athu oohithwara malamulo wi muhitathille okeraattheya wanyu.

Deuteronomo 13:1

Namallotella apaalle oottaphullella olloha aphwanyeya variyari vanyu nave awoonihani echizindikiro apaalle yoottikhiniha,

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

1 Yohane 5:18

Ninnadduwella wi ooyariwa wa Mulluku khenavirellella ochimwa vawi Mwaana a Mulluku annaateteza nave Oonanarooyo khawora waavoreya.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Yohane 6:39

Opaalla wa oyo aakirumalle miyaano tti wawi kihimutathille arive muthu a ayo yaakivahilliiwa koma wi kaavahe okumi va nllapo noomallihella athu attheene ookhwa.

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Agalatiya 4:15

Ehakallallwaanyu eri wuuwi? Miyaano kinnasimikiza wi mwaheeseesa okikavihera naari waariki wooworeya mwaaweerokivaha miitthwaanyu.

Aroma 12:18

Wakhalla wooworeya, mweeseeseke okhalla mwamurendelle ni athu attheene.

Mitteko 20:16

Paulo aapaalla wi eete vakallawani moowaapheella o Efeso wi ahiselliwe mu echigawo ya Asiya. Ahaakuvella o Yerusalemu wi wakhalla wooworeya aphiyewo va nllapo na Pentekosite.

Yesaya 9:15

Attekweene ni oovuwa sika muru nave anamallotella oohuddiha ddawoottha sika mwiilla.

Mateyu 22:14

Nave Yesu aamalliha ni ollota wi, “Awiithaniwa tti anchichi koma ootthoolliwa tti vang'ono.”

Mateyu 24:22

Nave Mulluku ahaayevihalleke mallapwaayo, khaavo naari muthu mmodda aavulluwe. Koma ekaamba ya athwaaye ootthoolliwa, Mulluku aneerewayeviha mallapwaayo.

Mateyu 24:25

Ngiiwani! Kohuulleellani enthawi ehinaphiye.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Luka 18:7

Koma Mulluku aneeroweeruzella millatu wi ddiweetelle phaama athu ootthoolliwaaye ayo enamuveka otthaana ni mahiiyu wi ddiweetelle phaama. Nave khaselliha nikavihero naye.

Yohane 4:48

Yesu aamulleella wi, “Khamuwa mukhulupilila mwaahoona ezizindikiro ni ddoottikhiniha.”

1 Yohane 2:18

Anaaka, enthawi yoomalliha yohaatamella! Mwaalleelliwa wi Mudani a Khrisitu animawa. Koma vano adani a Khrisitu ahooneya khalle, sika vano ninnadduwella wi enthawi yoomalliha yohaatamella.

1 Yohane 2:22

Vano awoottha ttaani? Tti ayo enallota wi Yesu khe Mesiya.* Athu yaayo tti adani a Khrisitu, enaakhoota Attiitthinnya ni Mwaaneene.