Mateyu 24:19 - Mawu a Mulluku

¹⁹ Enthawi yeeyo ootulli enaakhalle atthiyana ayo enaakhalle ni erukullu vamodda ni awaamwiha anamwani.

Mateyu 24:19 ပူးပေါင်းရင်းမြစ်များ

Luka 21:23

Enthawi yeeyo ootulli enaakhalle atthiyana ayo enaakhalle ni erukullu vamodda ni awaamwiha anamwani! Vawi oneerokhalla ohoosiwa wawoopiha mu ellapo yeella ni ollaka wa Mulluku va athu a mu ellapo yeella.

Maliro 4:10

Naari atthiyana amahalla yaaphiya voowaapeyani aniiwa, aniiwa yaatthattuwa yoochiiwa va enthawi eyo mwaana aamutthiyana, athwaaka yoonongeyiiwa.

Hoseya 13:16

Asamariya eneerollakiwa kaambiiwa yaamuwukila Mullukwiiwa. Eneerewiiphiwa ni nsupada, aniiwa eneerewiiphiwa mowaavaddiha miru ddiwa vatthi nave awariwa ookhalla ni erukullu eneerophulliwa.”

2 Samuele 4:4

Vano Yonatani, mwaana a Saulo, aakhalla ni mwanaye ookhwa meto nnddina naye Mefibosheti. Epilli ya okhwa wa Saulo ni Yonatani yiiweyiiwa o Yezireele, mwaanoolla aari ari ni miyakha mitthanu. Muthu oyo amullella mwaanooyo iiwalle dda okhwanko aamukusa athawana. Voothawani mwawaakuva, mwaanoolle aamuvulluwa, amorella vatthi, aphoreya. Orakalla waye wavenyenre vaavo.

2 Mamwene 15:16

Menahemu voolendwaaye ovenyera o Tiriza ahoononga muzinda wa Tapuwa ni athu attheene yaari mwemmo woonjereravo ellapo ettheene yawaapheella vawi alliwa kheyaamugonjenlle. Aawiiphattho ni waaphulla atthiyana eerukullu a m'muzindanimmo.

Mateyu 21:16

Sika yaamukoha Yesu wi, “Munniiwa enallotiiwanndda?” Yesu ahaakhulla wi, “Kinniiwa. Khamweerengille mawu a Mullukwaalle awi, ‘Mohaahuddiha anamwani ni akantchewa wi yuutitimihekeni phaama.’ ”

Mateyu 24:18

Oyo ari m'matani ahihokollweelle owaniwa wi akuse yawiikhuneella.

Mateyu 24:20

Vekellani wa Mulluku wi othawa wanyu ohikhalle mu eyitta apaalle va nllapo na Sabata!