Mateyu 23:5 - Mawu a Mulluku

⁵ Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

Mateyu 23:5 ပူးပေါင်းရင်းမြစ်များ

Yohane 12:43

Vawi yaakonda waakhella olemu wa athu ohiyana ni waakhella olemu wa Mulluku.

Afilipi 2:3

Muheereke erive ello mwawiikonda apaalle mwawiitukhulla koma mwawiiyeviha vawoonani athu amodda okhalla oopaalleya ohiyana ni nyuwaano.

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Deuteronomo 6:8

Nave mwaamakellelleke wonanko echizindikiro va miwono ddanyu nave mwaahiyeke variyari va eyuuchi.

Luka 20:47

Ennaachella anaamukhwelle ni waakusella katundwiiwa naari enyumba ddiwa ddene, vawaamarani athu muyeepe owiitthoni ni mavekello oorekama. Ollakiwa wiwa oneerokhalla wuullupalli waakhwaranya athu amodda!”

Deuteronomo 22:12

“Musoweke manyenje va makona masese a mikanjo nnddo munawareenyu.”

Eksodo 13:9

Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Afilipi 1:15

Aakhallavo amodda enamullalleya Khrisitu kaambiiwa tti eehache ni ookangana koma amodda enallalleya ni yoolinga yaphaama,

Yohane 7:18

Muthu oyo anallota dda m'muruni mwaye anapaalla ntitimiho na yeekha. Koma oyo anapaalla ntitimiho na oyo aamurumalle, olliye tti awoona nave kheyiivo yawoottha mwa olliyooyo.

Mateyu 9:20

Nave mutthiyana oohoowa ni ereta yoohikhumamo oonille mweeri wa miyakha khumi ni miilli aawa otulli wa Yesu nave aattannya mukhwipi mwa yawiikhuneellaaye.

Miyambo 3:3

Ohihiye echifundo ni ororomelleya nave oware munikohini mwawo ni oddilemba m'murimani mwawo.

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

2 Mamwene 10:16

Nave aamulleella wi, “Hanko woone mmo kiniivelleelleemi wa Apwiya.” Sika aheetana mu nigareta naye.

Deuteronomo 11:18

“Malamulo yaalla mwaasungeke phaama m'murimani mwanyu ni m'maganizoni mwanyu. Nave mwaamakellelleke wonanko echizindikiro va miwono ddanyu nave mwaahiyeke variyari va eyuuchi.

Levitiko 13:32

Va nllapo naneetthanu ni piilli mullupa mukutho awehesese ereteeyo. Ekakhannddo ddakhalla wi kheddimwareyille nave kheviri mapururu a yelo nave ekakhannddo ddinnooneya wi kheddiphiyalle muwari,