Mateyu 23:37 - Mawu a Mulluku

³⁷ “Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Mateyu 23:37 ပူးပေါင်းရင်းမြစ်များ

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Masalimo 91:4

Eneerewuukhuneella ni muuphellwiiwa, oneerophwanya moothawellamo m'muuphelloni, ororomelleya wiwa onnateteza wonanko echishango.

Masalimo 17:8

Mukipwathe wonanko niittho nanyu, mukikhupaarelle ni muuphellwaanyu,

Masalimo 36:7

Nyu Mulluku, echikondaanyu yoohisintheya tti yoowallamella mutengo, athu ennathawella m'muuthuuchini wa muuphellwaanyu.

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Masalimo 63:7

Nyuwaano mookhalla nikavihero naka, sika kiniipa moohakallalla vatthi va muuphellwaanyu.

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Mateyu 23:30

Vano munihina, ‘Hiyaano nakhanlleke m'mallaponi a makhollwaahu khanaawiiphena anamallotella iyaayi.’

Mateyu 22:3

Ahaaruma allupa muttekwaaye wi yaalleelle awiithaniwa omachellelloni wi ewe koma kheyaapanlle owa.

Mateyu 5:12

Kotellani nave hakallallani kaambiiwa muneerothuviwa wuullupalli oddullu. Anamallotella yaahoosiwattho mwawi ddiidda khalle muhinayariwe nyuwaano.

Hoseya 11:2

Koma mmo kamwiithanelleemi, tti mmottho akithawelleeye, athwaaka yaanavelleella mikutho wa Abaala ni woosa lubani* wa mafano.

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

1 Atesalonika 2:15

Ayudaayo sika yawiiphalle Apwiya Yesu ni anamallotella nave yaanihoosattho hiyaano. Khenamuhakallalliha Mulluku navettho enniitana ni athu attheene.

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Mateyu 22:6

Amoddaalle yahaaphara allupa muttekwaalle ewuukutha nave ewiipha.

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”

Yeremiya 26:23

Alliwa yaamphara Uriya o Iguputo wenko emuwaana wa mwene Yehoyakimu. Mwene aalamula wi Uriya iiphiwe nave mutembwaaye yaawuvittha o mahame a athu shisha.

Yeremiya 6:8

We Yerusalemu, hudderavo ello wi echikondaaka va weyaano ehimalle nave kihuutthattuse echipululu, ellapo yoohikhallamo athu.”

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.

Luka 15:28

“Mwaana muullupalloolle aasha murima wawi khayiillettho onyumbani wulle nave attiitthinnya yaakhuma emuveka wi avollowe.

Yesaya 5:4

Ethiyo ehanllettho tti tini kiheerenlleemi emataaka yampesa? Ethiyo kaambiiwa tti tini vootiyerellani wi yimme mpesa waphaama, yimmalliiwa mpesa ddoonanara?”

Yeremiya 32:31

Muzinda yoolla wookishiha murima ni ottatthamulla owallaaka ovenyera enthawi yawumakilliiwa ophiyera ollello. Ekaamba ya yeella, kineerowuvenyihevo vamiitthoni vaka.

Yeremiya 36:26

Vano mwene aamulamula Yerahamele mwaana a mwene, Seraya mwaana a Aziriele ni Shelemiya mwaana a Abideele wi yamphare namalembella Baruki ni namallotella Yeremiya. Koma Apwiya yaawiipittiha.

Hoseya 7:13

Otulli okhalle ni alliwa ekaamba yawi aakihiya. Yoonongeye ekaamba yawi aakiwukila. Kaanapaalla wi kaavulluse koma ennallota ddawoottha wa miyaano.

Mateyu 23:31

Sika tti omboni wawiivaanya yeekhiinyu voollotani wi nyuwaano tti edduullu dda ayo yawiiphalle anamallotella.