Mateyu 23:35 - Mawu a Mulluku

³⁵ Voothwarellellani, ollakiwa wa ayo yawiiphalle athu oolungama onaakhalle vamuruni va nyuwaano ovenyera va wiiphiwa wa Abele oolungama ophiyera va wiiphiwa wa Zakariya mwaana a Barakiya, oyo mwaamwiiphalleenyu variyari va nipuro naweella ni nikuwa na mukutho mu enyumba ya Mulluku.

Mateyu 23:35 ပူးပေါင်းရင်းမြစ်များ

Zekariya 1:1

Mu mweeri waneetthanu ni raru wa muyakha waneepiilli wa omwene wa Dariusi, mawu a Apwiya yaawa wa namallotella Zekariya mwaana a Berekiya, edduullu ya Ido wi,

Aheberi 11:4

Ekaamba ya echikhulupililo, Abele aaheraatthi mukutho waphaama wa Mulluku ohiyana ni wa Kaini, sika ahaakhullelliwa wi tti oolungama. Mulluku mwaneenaaye aahakallalla ni mukuthwaaye. Naari akhwille, echikhulupililwaaye tti omboni wa hiyaano.

Genesis 4:8

Nllapo nimodda Kaini aamulleella mung'onong'onwaaye Abele wi, “Hanko niye omata” Ephiyalle omata wulle, Kaini aamurukunuwella mung'onong'onwaaye nave aamwiipha.

Yawuupullulla 18:24

Babiloni aallakiwa kaambiiwa nikhame na anamallotella ni athu a Mulluku naaphwanyiwa m'muzindanimmo. Ddawoona, nikhame na attheene ayo yiiphiwe va ellapo yavatthi naaphwanyeya mwa olliye.

Yeremiya 26:15

Koma vano dduwellani wi mwakiipha, muzinda olla ni athu attheene ookhallamo muneerottatthamulla mullatu woomwiipha muthu oohichimwa vawi tti ddawoona wi Apwiya sika yakirumalle wa nyuwaano wi mwiiwe ddittheddene kinalloteemi.”

2 Mamwene 24:4

navettho ekaamba ya nikhame na athu oohichimwa ayo awiiphalleeye. Olliye aaddalliha Yerusalemu ni nikhame na athu oohichimwa nave Apwiya kheyaamukhululukelle.

2 Mamwene 21:16

Navettho Manase aawiipha athu oohichimwa anchichi ophiyera nikhame na athwaayo naheetellella embali ddittheddene dda misewu dda mu Yerusalemu. Nndda ddahoonjerera va machimo ayo aachimwihalleeyena Ayuda vooweerihani ddoonanara vamiitthoni va Apwiya.

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

Luka 11:51

waambeella va wiiphiwa wa Abele ophiyera va wiiphiwa wa Zakariya, oyo iiphiwe variyari va nipuro naweella ni nikuwa na mukutho mu enyumba ya Mulluku. Ddawoona, kinimuulleellani wi athu a mbadoolla eneerollakiwa ekaamba ya wiiphiwa wa athu attheenaayo!

Yeremiya 26:23

Alliwa yaamphara Uriya o Iguputo wenko emuwaana wa mwene Yehoyakimu. Mwene aalamula wi Uriya iiphiwe nave mutembwaaye yaawuvittha o mahame a athu shisha.

Yesaya 26:21

Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.

Yeremiya 2:34

Ddoowara ddanyu ddoofiira ni nikhame na athu oohoowa oohichimwa naari mwaahaaphwanyille yinttakaka enyumba. “Komave naari ddiri ddiidda,

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Numeri 35:33

Muhiripihe ellapo eyo munakhalleenyu. Nikhame ninnaripiha ellapo nave tti woohiworeya woopolla ellapweeyo ekaamba ya nikhame nimorihiwe mwemmo ophiyera mumorihalle nikhame na muthu amorihalle nikhamooyo.

Yesaya 14:21

Ekaamba ya machimo a attiitthiiwa, khonzekerani owiipha anamwani a mwenoolla woova wi enaavenye ni waakha ellapo yavatthi ni oyiddalliha ni mizinda.

Yeremiya 26:8

Vano Yeremiya amallihalle ollota mawu mattheene Apwiya yamulamunliiwa wi aalleelle athu attheene, amodda mwa allupa mukutho, anamallotella ni athu yamphara nave emulleella wi, “Onaphwanella wiiphiwa.

Mitteko 5:28

Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”