Mateyu 23:28 - Mawu a Mulluku

²⁸ Emoddamoddave yeeyo nyuwaano munooneya wonanko athu aweera echilungamo vamiitthoni va athu koma muwari mooddalla ni woottha ni ddoonanara.

Mateyu 23:28 ပူးပေါင်းရင်းမြစ်များ

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

Miyambo 26:26

Naari iipitthihaka olleka waye moochenjera onanara murima waye oneerodduwanyeya vaweella.

Mateyu 23:27

Nyu, awoottha, ahuddihi a malamulo ni Afarisi, mookhalla ni otulli! Muri wonanko mahame oohelliwa enjeresa ddaweella ayo enooneya aweella otte wiwa koma muwari muri mooddalla ni makhuva a mitembo ni ddeko ddimodda ddawunta.

Mateyu 23:29

“Nyu, awoottha, ahuddihi a malamulo ni Afarisi, mookhalla ni otulli! Vawi munnamaka mahame a anamallotella nave munnareeriha mahame a athu aweera dda echilungamo.

Agalatiya 2:13

Ayuda amodda yahaambattho okhalla wonanko Petro nave naari Baranaba aakuseya murima ni makhallello awootthaayo.