Mateyu 23:19 - Mawu a Mulluku

¹⁹ Nyu athu oohoona! Ttiivi eri yoopaalleya okhwaranya ekhwiiwa, emphaso apaalle nikuwa na mukutho mvo vineelliha emphasweeyo?

Mateyu 23:19 ပူးပေါင်းရင်းမြစ်များ

Eksodo 29:37

Wa mallapo matthanu ni meelli ovelleelleke mukutho woweellihella nikuwanno nave onipatuleke. Vatulli viwa nikuwanno nineerokhalla naweella wunchichi nave erive ello enaattannye nikuwanno eneerewoonongiwa ni masiva a weella wiwa.

Eksodo 30:29

Ddittheddenenndda oneeroddipatula mwawi ddiidda wi ddikhalle ddaweellihiwa wunchichi. Nave erive ello enaattannye ddenndda eneerewoonongeya ekaamba ya masiva a weella wiwa.

Hagai 2:12

Ethiyo muthu ahuruwella enama yoopatuleya mumukanjoni mwaye nave mukanjooyo wamuttannya buledi apaalle ephwaddi apaalle vinyo apaalle makhura apaalle yoocha ya orive mutundu, ethiyo ddenndda ddineerotthattuwa ddoopatuleya? Allupa mukuthwaayo yahaakhulla wi, ‘Iyaayi.’ ”

Mateyu 23:17

Nyu athu ookarangeya ni oohoona! Ttiivi eri yoopaalleya okhwaranya ekhwiiwa, golide apaalle enyumba ya Mulluku eyo enamweelliha golidooyo?

Mateyu 23:18

Munnahuddihattho wi, ‘Oyo anallupella oromolla nikuwa na mukutho, khaddinna mutteko. Koma allupella oromolla emphaso ya vanikuwani na mukutho ari oomakiwa ni nllupello nayenno.’

Mateyu 23:20

Sika vano muthu allupella oromolla nikuwa na mukutho, anallupella va yeeyo ni emphaso ddittheddene ddiri vaavo.