Mateyu 22:40 - Mawu a Mulluku

⁴⁰ Malamulo mattheene a Mose ni ehuddiho ya anamallotella ddinavenyera va malamulo meelli yaalla.”

Mateyu 22:40 ပူးပေါင်းရင်းမြစ်များ

Aroma 13:9

Malamulo awi, “Ohiraruwe, ohiiphe, ohiiye, ohisilile” malamulo yaalla ni malamulo mamodda manchichi enahuruwelliwa mu lamulo nimodda nawi, “Waakondeke akhwaawo wonanko mmo oniikondelleewe weekha.”

Mateyu 7:12

“Muweerelleke athu amodda nnddo munapaalleenyu wi eweerellekeni nyuwaano. Nngu sika ottaphullella wa malamulo a Mose ni ehuddiho ya anamallotella.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Yakobo 2:8

Vano munneera phaama mwaarimi muthwaraka malamulo a omwene ayo enaphwanyeya mu mawu a Mulluku awi, “Omukondeke mukhwaawo wonanko mmo oniikondelleewe weekha.”

1 Timoteo 1:5

Yoolinga ya wuulamula waka tti yawi waahuddihe athu okondana ovenyera m'murimani waweella ni yawuupusella murima yooreera ni echikhulupililo yawoona.

Agalatiya 5:14

Vawi malamulo mattheene enakwakhwanihelliwa va lamulo nimodda nawi, “Omukondeke mukhwaawo wonanko mmo oniikondelleewe weekha.”