Mateyu 22:37 - Mawu a Mulluku

³⁷ Yesu ahaakhulla wi, “ ‘Waakondeke Apwiya Mullukwaawo ni murimaawo muttheene ni okumaawo muttheene navettho ni maganizwaawo mattheene.’

Mateyu 22:37 ပူးပေါင်းရင်းမြစ်များ

Luka 10:27

Olliye ahaakhulla wi, “Waakondeke Apwiya Mullukwaawo ni murimaawo muttheene ni okumaawo muttheene ni masivaawo mattheene ni maganizwaawo. Nave omukondeke mukhwaawo wonanko mmo oniikondelleewe weekha.”

Deuteronomo 6:5

Nave mwaakondeke Apwiya Mullukwaanyu ni murimaanyu muttheene ni okumaanyu muttheene navettho ni masivaanyu mattheene.

Deuteronomo 10:12

“Vano nyu Aisraele, ngiiwani nnddo Apwiya Mullukwaanyu enuulleelliiwani wi muwooveke ni weeta ettilla ddiwa ddittheddene, mwaakondeke nave mwaarumeyelleke ni murimaanyu muttheene ni okumaanyu muttheene.

Mariko 12:33

Nave onapaalleya wi omukondeke Mulluku ni murimaawo muttheene ni maganizwaawo mattheene ni masivaawo mattheene navettho omukondeke mukhwaawo wonanko mmo oniikondelleewe weekha. Malamulo meellaalla tti oopaalleya ohiyana ni oheraatthi mukutho wooshellelliha wa Mulluku.”

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Aroma 8:7

Sika vano athu yaaweetihiwaka ni omuthwiiwa enakhalla adani a Mulluku vawi kheniiwellella malamulo a Mulluku nave khenaworattho owiiwellella yaayo.

Deuteronomo 6:4

“Nyu Aisraele, apellani maaru! Apwiya Mullukwaahu tti amoddave.

Mateyu 22:36

Aakoha wi, “Ahuddihi, lamulo nuullupalli mwa malamulo mattheene tti niivi?”

Mateyu 22:38

Nna sika lamulo nawaamba ni nuullupalli.

1 Yohane 4:21

Lamulo nno Khrisitu anivahilleeye tti nawi, attheene enamukonda Mulluku enaphwanella emukondeke mwanamunniwa ni murokoriwa.