Mateyu 21:34 - Mawu a Mulluku

³⁴ Yakwakhwanilliiwa enthawi yootthukumaniha ezipaso ddampesooyo, ahaarumiha allupa muttekwaaye wa oollimaayo wi yaakhelle ezipaso dda m'matanimmo.

Mateyu 21:34 ပူးပေါင်းရင်းမြစ်များ

Yesaya 5:4

Ethiyo ehanllettho tti tini kiheerenlleemi emataaka yampesa? Ethiyo kaambiiwa tti tini vootiyerellani wi yimme mpesa waphaama, yimmalliiwa mpesa ddoonanara?”

Mateyu 22:3

Ahaaruma allupa muttekwaaye wi yaalleelle awiithaniwa omachellelloni wi ewe koma kheyaapanlle owa.

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Mateyu 21:35

Oollimaayo yahaaphara allupa muttekwaayaayo, emuukutha mmodda, emwiipha mmodda navettho yaamwiipha mmodda voomuvokhani malluku.

Mateyu 21:38

Koma oollimaayo yamoonilliiwa yaalleellana wi, ‘Olla sika mwanaye aamullopwana anaahallena eyuumeella, hankoni nimwiiphe wi eyuumeella ekhalle yaahu.’

Mateyu 21:40

Yesu ahaakoha wi, “Vano mwaneena a ematoolle aphiya anaaweere tini wa oollimaalle?”

Mateyu 21:41

Yahaakhulla wi, “Eneerowiipha mowaahoosa oollima oonanaraayo apolleyihe emateeyo wa athu amodda, ayo enaamukawelle ezipaso ddampesa ddaye va enthawi yoohata.”

Mariko 12:1

Vano Yesu ahaamba ollota m'maphwanaphwanihoni wi, “Waakhalla muthu mmodda aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

Mariko 12:7

Koma oollimaayo yaalleellana wi, ‘Olla sika mwanaye aamullopwana anaahallena eyuumeella, hankoni nimwiiphe wi eyuumeella ekhalle yaahu.’

Mariko 12:9

Yesu ahaakoha wi, “Vano anaaweere tini mwaneena a ematoolla? Aneeroowa wi awiiphe oollimaayo nave apolleyihe emateeyo wa athu amodda.

Luka 20:9

Vano Yesu ahaamba waalleella athu niphwanaphwaniho nawi, “Waakhalla muthu mmodda aallimalle emataaye ya ezipaso ddampesa. Nave aapolleyiha emateeyo wa athu oollima nave olliye avenyavo aya o ellapo emodda wa enthawi yoorekama.