Mateyu 21:33 - Mawu a Mulluku

³³ Yesu aallota wi, “Iwani niphwanaphwaniho nimodda. Waakhalla mwaneena a emata aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

Mateyu 21:33 ပူးပေါင်းရင်းမြစ်များ

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?

Yohane 15:1

“Mi tti muteekho wa mpesa wawoona nave Attiitthaaka sika mwaneena a emata.

Luka 19:12

Yesu aallota wi, “Waakhalla muthu a mu nibanja noovuwa oyo apaalla oya o ellapo yawoorekama wi awarihiwe omwene. Nave apaallattho wi ahokollweelle owaniwa awarihiwa.

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Mariko 13:34

Ddinaphwanaphwana ni muthu atimullalle va olendwaaye ahiya enyumbaaye. Aavaha olamulello allupa muttekwaaye wi arive muthu awehereke mutteko waayewaaye nave amulleella oowehera a va mullako wi awehereke phaama.

Mateyu 23:2

wi, “Ahuddihi a malamulo* ni Afarisi* aakhalla ni olamulello woottaphullella malamulo a Mose.

Mateyu 21:28

“Vano maganizwaanyu tti awi tini? Muthu mmodda aakhalla ni anaaye aallopwana eelli. Aaya wa mwaana awaamba allota wi, ‘Mwaanawe, khawe waphare mutteko m'matani mwa ezipaso ddampesa ollello.’

Mateyu 13:18

“Vano ngiiwani ottaphullella wa niphwanaphwaniho na mullupa oomidda.

Yeremiya 19:3

wi, ‘Nyu mamwene a o Yuda ni attheene a o Yerusalemu, ngiiwani mawu a Apwiya. Apwiya Amasiva Mattheene, Mulluku a Israele.’ Enallota wi, ‘Kineeromorihella otulli wawoopiha vanipuroninna ophiyera wi arive muthu iiwa ddenndda aneerorurumuwa wunchichi.

Yesaya 1:10

Vano nyu oolamulella a o Sodomu, iwani mawu a Apwiya. Nyu a o Gomora, apellani maaru nnddo Mullukwaahu anuuhuddiheeyeni.

1 Mamwene 22:19

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.”

Deuteronomo 16:18

“Mwaatthoolleke aweeruza ni attekweene mu nirive nlloko ni nirive nipuro Apwiya Mullukwaanyu enuuvahiiwani. Athu yaalla yeeruzeke moohiweha ekhove.

Mateyu 20:1

“Omwene wa Mulluku tti wonanko niphwanaphwaniho nna. Waakhalla mwaneena a emata oyo akhumalle ohinase wi aalembe allupa mutteko oollima emataaye ya ezipaso ddampesa.