Mateyu 21:31 - Mawu a Mulluku

³¹ Ttaani mwa eellaalle enre yapanlle attiitthiiwa.” Yaamwaakhulla wi, “Awaamboolle.” Sika Yesu aallota wi, “Ddawoona, kinimuulleellani wi ookhomiha misonkho ni atthiyana ooraruwa eneerohoolla ovollowa mu omwene wa Mulluku nyuwaano muhinavollowe.

Mateyu 21:31 ပူးပေါင်းရင်းမြစ်များ

Luka 7:29

(Athu anchichi yaamwiiwellella Yohane naari ookhomiha misonkho yahaakhullella ddoopaalla ddaphaama dda Mulluku voobatiziwani ni Yohane.

Mateyu 7:21

“Khe arive muthu anakiithana wi, ‘Apwiya, Apwiya’ anaavollowe mu omwene wa Mulluku. Vawi weera ddiiddo khonakwakhwanella koma ayo eneera ddoopaalla dda Attiitthaaka ooddullu sika enaavollowe.

2 Petro 3:9

Apwiya khenaselliwa weera nnddo yalonjezilliiwa, wonanko mmo amodda enaganizeriiwa. Koma ennuuvillellani kaambiiwa khenapaalla wi arive muthu oonongiwe koma enapaalla wi attheene erukunuwe murima.

Aroma 5:20

Malamulo yaavelleelliwa wi athu edduwelle waata wa machimwiiwa koma machimo yaatilliiwa, echisomo ya Mulluku yahaanjerereya.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Mateyu 20:16

Vano Yesu aamalliha ni wi, “Sika oomallihella eneerokhalla awaambeella nave awaambeella eneerokhalla oomallihella.”

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Luka 19:22

Nave mwenoolle aallota wi, ‘We, mullupa mutteko oonanara murima, kinaathware mawaawo yaayo wi kuuvaanyihe weyaano! Onnadduwella wi miyaano tti muthu awumma murima, ookusa ehiri yaaka nave oohata eyo kihaanlleemi.

Luka 15:10

Sika, kinimuulleellani wi, emoddamoddave yeeyo angelo a Mulluku ennahakallalla kaambiiwa muthu oochimwa mmodda oorukunuwa murima.”

Mateyu 18:3

Nave aallota wi, “Ddawoona, kinimuulleellani wi mwaahirukunuwa muneerokhalla wonanko mwaana khamuwa muvollowa mu omwene wa Mulluku.

Mateyu 12:50

Oyo aneera ddoopaalla dda Attiitthaaka ooddullu sika mwanamunnaka, murokoraka ni amoowaaka.”

Mateyu 9:9

Yesu aavenyavo vanipuroni valle, vano eetaka, aamoona muthu, nnddina naye Mateyu, akeraatthille mu enyumba yookhomihella misonkho. Aamulleella wi, “Kithware.” Nave Mateyu aavenya anamuthwara.

Yobu 15:6

Nguuvaanyihalle koma mawaawo, enawiipa mullatu tti eyanwaawo.

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Mateyu 5:18

Vawi kinimuulleellani ddawoona wi, ophiyera oddullu ni ellapo yavatthi ddimallille, khaviwa vivenyihiwa nlemba ning'onong'ono nimodda naari etthoka emodda va malamulwaalla ophiyera ddittheddene ddeeriwe.

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Mateyu 5:46

Mwaawaakondaka yaayove enuukondani, Mulluku anuuthuveni mwawiidde? Naari ookhomiha musonkho enneera ddiiddo.

Mateyu 21:30

Vano attiitthiiwaayo yaaya wa mwaana mmoddooyo amulleella emoddamoddave yeeyo. Olliyooyo ahaakhulla wi, ‘Kineeroyaawo attiitthaaka,’ koma khaayiillewo.

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Yohane 3:5

Yesu ahaakhulla wi, “Ddawoona, kinimuulleellani wi, khaavo muthu anaawore ovollowa mu omwene wa Mulluku aahiyariwa mwa maaddi ni Munepa Waweella.