Mateyu 20:26 - Mawu a Mulluku

²⁶ Wa nyuwaano ddihikhalleke ddiidda. Koma muthu apaalla okhalla muullupalli anaphwanella akhalle oorumeyella a attheenenyu.

Mateyu 20:26 ပူးပေါင်းရင်းမြစ်များ

Mariko 10:43

Wa nyuwaano ddihikhalleke ddiidda. Koma muthu apaalla okhalla muullupalli anaphwanella akhalle oorumeyella attheenenyu.

Mariko 10:45

Vawi naari mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

Mariko 9:35

Yesu aakeraatthi vatthi, ahaatthukumaniha oohudderaaye khumi ni eelli, allota wi, “Oyo anapaalla okhalla muullupalli akhalle mung'onong'ono mwa attheenenyu nave akhalle oorumeyella a attheene.”

1 Petro 5:3

Muhaalamuleke mwawiitukhulla ayo muvahiweenyu wi mwaawehereke koma mukhalleke echisanzo ya mulloko yooyo.

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

Mateyu 25:44

Vano eneeromwaakhulla wi, ‘Apwiya, nawonneni niini nyuwaano muvolliwe ettalla apaalle muvolliwe nthona apaalle muri mulleto apaalle muhiri ni yoowara apaalle muri oovoriiwa apaalle muri mundende, hiyaano nihuurumeyellani?’

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Filemoni 1:13

Kaanapaalla wi akhalleke ni miyaano wuno wi akikavihereke munipuroni mwa weyaano kiriimi mundendemmu ekaamba ya othenga waphaama.

2 Timoteo 1:18

Apwiya emweerelle echifundo va nllapo noomallihanno. Nave onnadduwella phaama mmo aakikaviherelleeye o Efeso.

2 Akorinto 1:24

Hiyaano khaninuulamulani yoophwanella nyuwaano okhulupilila vawi ninnadduwella wi nyuwaano tti oohitikheya mu echikhulupililo. Koma ninaphara mutteko ni nyuwaano wi muhakallalle.

Mitteko 13:5

Yaphiyalliiwa o muzinda wa Salamisi, yaallalleya mawu a Mulluku mu enyumba ddamavekello.* Yaarittho ni Yohane Mariko oyo aakavihera mutteko.

Yohane 18:36

Yesu aallota wi, “Omwenaaka khori wa ellapo yavattheella. Omwenaaka wakhanlleke wa ellapo yavattheella akhotwaaka yaawerowanana ekhoto wi kihivelleelliwe wa Ayuda koma omwenaaka khori wa ellapo yavatthimva.”

Mateyu 27:55

Vaakhalla atthiyana anchichi yamoonella Yesu voorekama. Yaalla tti atthiyana yaamuthwanre Yesu ovenyera o Galileya emurumeyellaka.

Ezekiele 24:13

Murawa yoolla tti minkhella dda oraruwa wawo, kahuuhuwa koma khawaaweellille. Vano khaweella ophiyera osha murima waka okwakhwanihiwe va weyaano.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.

Mateyu 20:27

Nave oyo anapaalla okhalla awaambeella mwa nyuwaano, akhalle kaporo a attheenenyu,

Luka 22:26

Koma nyuwaano khamunaphwanella weera ddiiddo vawi muullupalli variyari vanyu akhalleke wonanko mung'onong'ono nave oohoollellooyo akhalleke wonanko oorumeyella.