Mateyu 20:22 - Mawu a Mulluku

²² Koma Yesu aawaakhulla anamwanaayo wi, “Khamunadduwella eyo munavekeenyu. Muneerowora omuwiryella kapu a ddookatamiha oyo kinaamuwiryelleemi?” Yaayo yahaakhulla wi, “Nineeromuwiryella.”

Mateyu 20:22 ပူးပေါင်းရင်းမြစ်များ

Luka 22:42

Aallota wi, “Attiitthaaka, mwaapaallaka mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

Yohane 18:11

Yesu aamulleella Petro wi, “Hokollosella nsupada nawo mu nigonelo mwiwa! Ethiyo kihimuwirye kapu a ddoohoosa oyo Attiitthaaka yaakivahilliiwa?”

Mariko 14:36

Nave avekellattho wi, Abba, Attiitthaaka ddeko ddittheddene ddinaworeya ni nyuwaano. Mukivenyiherevo kapu a ddookatamihoolla. Ohiri opaalla waka koma opaalla wanyu weereye.”

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Aroma 8:26

Munepa annawattho onikavihera kaambiiwa hiyaano tti oofooka vawi khaninadduwella mmo ninaphwanellaahu ovekella. Munepa mwaneena annanivekella wa Mulluku ddookhupanya ddoohiworeya ollota.

Yesaya 51:22

Apwiya, Apwiyaawo, Mullukwaawo, ayo enuutetezella enallota wi, “Ngoona, koowaakha kapu oohahareyiha, kapu oyo kawinnyalleemini kishille murima khamuwa mumuwiryattho.

Yakobo 4:3

Nave mwaveka khamunaakhella kaambiiwa munaveka moonanara. Ddooveka ddanyu munapaalla ophariha mutteko va ddeko ddawuuhakallallihani.

Luka 12:50

Kinapaalleya ovollowa mu ddoohoosa wonanko mmo muthu anavolloweeye m'maaddini aabatiziwaka. Nave murimaaka onnahoosiwa ophiyera omanlle.

Yeremiya 49:12

“Naari ayo yahiphwanenlle omuwiryella kapu a ollaka, emuwiryelle. Muhiddoottotthe wi nyuwaano sika khemullakiwa. Khe ddiiddo, ddawoona muneerollakiwa nave muneeromuwiryella kapooyo.

Mateyu 26:56

Koma ddittheddenenndda ddoheereya wi yaalembille anamallotella, ddikwakhwanelle.” Vano oohuddera attheene yaamuhiya ethawa.

Miyambo 16:18

Okota onnahoollella woonongeya nave wiitukhulla onnawiiha omora.

Masalimo 75:3

Ellapo yavatthi yaatikheyaka ni ddittheddene ddookhalla mwemmo, tti miyaano kinaaseera apotwiiwa.

Mateyu 26:35

Petro ahaakhulla wi, “Naari ori woophwanella miyaano okhwa ni nyuwaano, nguukhootani.” Nave oohuddera attheenaayo yaallota ello emoddamoddave yeella.

Yesaya 51:17

We Yerusalemu, venya, venya, imella! Woomuwirya kapu oollaka oyo Apwiya yawinnyalliiwa eshille murima, kapu oohaharereyiha waamuwirya muttheene.