Mateyu 20:15 - Mawu a Mulluku

¹⁵ Khonaakhullelliwa wa miyaano weera yeeyo kinapaalleemi ni makobiraaka? Apaalle onakikhallella ehache kaambiiwa miyaano kiri aphaama?’ ”

Mateyu 20:15 ပူးပေါင်းရင်းမြစ်များ

Deuteronomo 15:9

Muchenjere wi muhiwatteelleke okongoliha ni maganizo oonanara awi muyakha wookhululukella ekongoli ori vakhuviru. Mwaahimoollowella matta mukhwiinyu oohoowa, oohimuvaha ello olliye aneerewuusumellani wa Apwiya vawinllani nave muneerophwanyeya oochimwa.

Mariko 7:22

echigololo, nrima, ddittheddene ddoonanara, olleka, makhallello oonanara, ehache, ollotella amodda epewe wiitukhulla ni okarangeya;

Mateyu 6:23

Koma miitthwaawo yaahikhalla aphaama, mwiillaawo muttheene oneeroddalliwa ni epiphi. Vano owala ori mwa weyaano watthattuwa epiphi, epipheene enaakhalle yawoopiha!

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Aefeso 2:1

Khalle nyuwaano mwaari ookhwa m'munepani ekaamba ya ohiiwellella wanyu ni machimwaanyu.

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

1 Akorinto 4:7

Ttaani aweerilleni nyuwaano uullupalli a athu amodda? Khahiyo Mulluku uuvahilleni erive ello muriinyuna? Vano muniitukhullella tini, wonanko eyo muriinyuna khe emphaso?

Mitteko 13:45

Ayuda yoonilliiwa mulloko wa athwaayo yaaddalliwa ni ehache, enavaanyiha allotille Paulonnddo navettho enamullotella epewe.

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Miyambo 28:22

Muthu anrima annapaalla okhalla ni eyuuma mwawaakuva oohidduwella wi ohoowa oneeromumorella.

Miyambo 23:6

Ohiche yoocha ya muthu ooweha ni eserekulle naari osilila yoochaaye yaphaama.

Deuteronomo 28:54

Naari muthu oollelliwa phaama ni oomaalleyesesa mwa nyuwaano, aneeromwimmana yoocha mwanamunne, mwaariye a vamurimani ni anaaye oohalla. Khamukawella naari mmodda enama ya anaaye anaattakhuneeye kaambiiwa khakhalla ni yoocha adanaanyu yawaapheellani ni wuuhoosani wunchichi.

Eksodo 33:19

Vano Apwiya yahaakhulla wi, “Kineerowooniha oreera murima waka ottheene nave kineeroromolla nnddina naka nawi Apwiya vamiitthoni vawo. Kineeromweerella echifundo arive muthu kinapaalleemi omweerella. Nave kineerommorella ethakaraka arive muthu kinapaalleemi oommorella.”

Yakobo 5:9

Asinnaka ni arokoraka, muhillotellaneke ddoonanara wi Mulluku ahiweeruzeni. Ooweeruza ohiimella vamullakoni.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Aefeso 2:5

vawi naariihu ookhwa m'munepani voohiiwellellani aanivenyiha vamodda ni Khrisitu. Echisomo ya Mulluku sika yuuvullusalleni.

Yeremiya 18:6

“Nyu Aisraele, ethiyo mi ngiwora weera ni nyu wonanko aneerella awoopa epalloolla? Ngoonani, muri m'mattani mwakammu wonanko olloko m'mattani mwa awoopa epalli.

Mateyu 20:14

Vano kusa mallivellwaawo oroweke. Miyaano kinapaalla kimuvahe olla aalembiwe moomallihella mallivello ophwanaphwana ni a weyaano.