Mateyu 20:14 - Mawu a Mulluku

¹⁴ Vano kusa mallivellwaawo oroweke. Miyaano kinapaalla kimuvahe olla aalembiwe moomallihella mallivello ophwanaphwana ni a weyaano.

Mateyu 20:14 ပူးပေါင်းရင်းမြစ်များ

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Luka 15:31

Attiitthinnyaayo yahaakhulla wi, ‘Mwanaka, weyaano ori ni miyaano mallapo mattheene nave ddaaka ddittheddene tti ddaawottho.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Aroma 3:4

Khe ddiiddo! Mulluku tti awoona naari athu attheene eri awoottha. Mawu a Mulluku enallotattho wi, “Nyu, Mulluku, mwaallotaka arive muthu annoona wi munnallota ddawoona, munnapambana mu orive mullatu.”

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:6

Koma weyaano waavekellaka vollowa mu echipindaawo yawiipittheya, owalle nchiwi, vano ovekelle wa Attiittho ayo ehinooneya. Vano Attiittho awoona ddawiipittheya eneerewuuthuva.

Mateyu 6:2

“Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

2 Mamwene 10:16

Nave aamulleella wi, “Hanko woone mmo kiniivelleelleemi wa Apwiya.” Sika aheetana mu nigareta naye.

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Mateyu 20:13

“Mwaneena a ematoolle aamwaakhulla mmodda a yaayo wi, ‘Mukhwaaka, miyaano nguullekille. Weyaano naapangana ophara mutteko nllapo nittheene va nikobiri nimodda.

Mateyu 20:15

Khonaakhullelliwa wa miyaano weera yeeyo kinapaalleemi ni makobiraaka? Apaalle onakikhallella ehache kaambiiwa miyaano kiri aphaama?’ ”