Mateyu 2:5 - Mawu a Mulluku

⁵ Vano yaamulleella wi, “Mu Betelehemu a Yudeya. Vallethi namallotella aalemba wi,

Mateyu 2:5 ပူးပေါင်းရင်းမြစ်များ

Yohane 7:42

Mawu a Mulluku enallota wi, Mesiyooyo anaakhalle edduullu ya mwene Davide nave anaayariwelle mu Betelehemu, m'muzi mmo mwakhalla Davide.”

Rute 1:1

Enthawi emodda Aisraele yalamulelliwiiwa ni oweeruza, mwaakhalla ettalla mwiillaponimmo. Sika muthu mmodda a o etawoni ya Betelehemu o echigawo ya Yuda aaya ni mwaariye owaaka anaaye aallopwana eelli wi yakhalle wa enthawi yooyeva mu ellapo ya Mowabu.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

Rute 2:4

Vihinallekelle Bowazi aaphiya ovenyera o Betelehemu nave ahaallochella athu yahataalle voollotani wi, “Apwiya yuudaliseni!” Alliwa yahaakhulla wi, “Apwiya yuudaliseni nanyeene!”

Rute 4:11

Athu attheene yaari vamullakoni valle ni attekweenaalle yaallota wi, “Ee, hiyaano tti amboni. Mutthiyana oyo onaamutthelleewe, Apwiya emweerihe wi akhalle wonanko Rakele ni Leya, atthiyana ayo yamuyarele Yakobo anamwani anchichi. Weyaano okhalle muthu eeyuuma mu nlloko na Efurata nave okhalle muthu oovuwa mu etawoni ya Betelehemu.

Rute 1:19

Sika eellaayo yaavirellella ni olendwiiwa ophiyera yaaphiya o Betelehemu. Yaphiyalliiwa o Betelehemunko, athu attheene a etawoni yeeyo yaarurumuwa wunchichi ekaamba ya alliwaayo. Vano atthiyana amodda yaallota wi, “Olla tti Naomi?”

Yoswa 19:15

Yaattakanyiheravo Katati, Nahalala, Shimironi, Idala ni Betelehemu, mizinda khumi ni miilli ni matawoniiwa

Genesis 35:19

Rakele akhwilleeye, avitthiwe mukhwipi mwa musewu wooya o Efurata, sika wi o Betelehemu.

Mateyu 2:1

Yesu ayariweeye mu etawoni ya Betelehemu mu echigawo ya Yudeya, mwene a ellapweeyo aari Herode.* Enthawi yeeyo athu oohuddera dda etheneeri oovenyera wookhuma nndduwa yaaphiya m'muzindani wa Yerusalemu.

Mateyu 2:4

Vano Herode ahaatthukumaniha allupa mukutho uullupalli ni ahuddihi a malamulo* attheene a Eyuda. Vano ahaakoha wi, “Anaayariwelle wuuwi Mesiyooyo.”

Oweeruza 17:7

O Betelehemu Yuda waakhalla musombwe mmodda eelleto a nlloko na Yuda oyo aari Mulevi.