Mateyu 19:27 - Mawu a Mulluku

²⁷ Vano Petro aallota wi, “Hi ninaaphurevo tini vawi noohiya ddittheddene nuuthwarani nyuwaano?”

Mateyu 19:27 ပူးပေါင်းရင်းမြစ်များ

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

Luka 5:11

Nave yaapurullella ekallawa ddiwannddo vakhwipi va enyanja, ehiya ddittheddene nave emuthwara Yesu.

Luka 18:28

Vano Petro aallota wi, “Noohiya ddeko ddittheddene nuuthwarani nyuwaano.”

Luka 15:29

Koma olliyooyo aawaakhulla attiitthinnyaayo wi, ‘Miyakha ddittheddenenndda kohuupharellani mutteko wonanko kaporo nave ngihiyalle wiiwellella malamulwaanyu. Koma khamwaakinnyalle naari mwanapuri wi kihakallalle ni akhwaaka!

Mariko 10:28

Vano Petro aallota wi, “Noohiya ddeko ddittheddene nuuthwarani nyuwaano.”

Mariko 2:14

Eetilleeye oya vahoollo, aamoona Levi, mwaana a Alifeyu, akeraatthille mu enyumba yookhomihella misonkho. Aamulleella wi, “Kithware.” Nave Levi aavenya anamuthwara.

Deuteronomo 33:9

Alliwa yaanuuroromellani nyuwaano okhwaranya makhollwiiwa, abaliiwa apaalle aniiwa. Alliwa yahiiwellella malamulwaanyu nave yaaroromella echipanganwaanyu.

Luka 14:33

Yesu aamalliha ollota ni mawu awi, “Khaavo a nyuwaano anaawore okhalla oohudderaaka ahinahiye ddeko ddittheddene ariiyena.”

Mateyu 9:9

Yesu aavenyavo vanipuroni valle, vano eetaka, aamoona muthu, nnddina naye Mateyu, akeraatthille mu enyumba yookhomihella misonkho. Aamulleella wi, “Kithware.” Nave Mateyu aavenya anamuthwara.

1 Akorinto 4:7

Ttaani aweerilleni nyuwaano uullupalli a athu amodda? Khahiyo Mulluku uuvahilleni erive ello muriinyuna? Vano muniitukhullella tini, wonanko eyo muriinyuna khe emphaso?

1 Akorinto 1:29

Sika khaavo muthu anawora wiitukhulla vamiitthoni va Mulluku.

Mateyu 19:26

Yesu ahaawehesesa allota wi, “Ddenndda tti ddoohiworeya ni athu koma ddittheddene ddinaworeya ni Mulluku.”

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.