Mateyu 19:14 - Mawu a Mulluku

¹⁴ Koma Yesu aallota wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.”

Mateyu 19:14 ပူးပေါင်းရင်းမြစ်များ

Mateyu 18:3

Nave aallota wi, “Ddawoona, kinimuulleellani wi mwaahirukunuwa muneerokhalla wonanko mwaana khamuwa muvollowa mu omwene wa Mulluku.

1 Akorinto 14:20

Asinnaka ni arokoraka, muhinaganizaka wonanko anamwani. Mukhalleke wonanko anamwani ehinadduwella ello va yoonanara nave mukhalleke oowaraalla m'maganizoni mwanyu.

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

1 Samuele 1:11

Hana aallupella wi, “Apwiya Amasiva Mattheene, miyaano kiri mullupa muttekwaanyu, moone ohoowa waka nave mukaakhullelle ovekella waka, kinallota ddawoona wi mwakivaha mwaana aamullopwana kineeromuvelleella wa nyuwaano, Apwiya, mallapo mattheene a okumaaye nave ngimuchema.”

Oweeruza 13:7

Koma aakilleella wi, ‘Muneerokhalla ni erukullu nave muneeromuyara mwaana aamullopwana. Vano muhinamuwiryaka vinyo apaalle erive yoolezeliha nave muhinachaka erive ello yooripiha, ekaamba yawi musombooyo aneerokhalla ootthoolleyella wa Mulluku monga Munaziri ovenyera oyariwa waye ophiyera okhwa waye.’ ”

1 Samuele 2:18

Samuele aariiye musombwe aanarumeyella vamiitthoni va Apwiya awanre ekuwo yabafuta yookhalla ni efodi.*

1 Samuele 1:24

Amuhiihalle waamwa Hana ni mamune yaamukusa eyaana onyumbani ya Apwiya o Shilo naari aari mung'onong'ono. Yaamukusa nankhoro eeng'ombe a miyakha miraru, othu makilogaramu khumi ni nthumba na nttapara nooddalla ni vinyo.

Genesis 21:4

Abrahamu aamuphadda mwaanooyo ari ni mallapo matthanu ni mararu moollikana ni mmo Mulluku alamulelleeye.

1 Samuele 1:22

Koma Hana khaayiillewo nave aamulleella mamune wi, “Mi ni Samuele khaniyaawo ophiyera Samuele ahiyalle waamwa. Kinaayeenawo wi kamuvelleelle wa Apwiya nave aneerekokhalla wenko okumaaye muttheene.”

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Mateyu 5:10

Oodalisiwa tti ayo enahoosiwa ekaamba yaweera echilungamo, vawi ennahakallalla ni madaliso a omwene wa Mulluku!

Mateyu 19:15

Sika ahaadalisa yaayo nave aavenyavo.

Mariko 10:15

Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.”