Mateyu 18:35 - Mawu a Mulluku

³⁵ Nave Yesu aamalliha ni wi, “Attiitthaaka ooddullu eneeroweerellani mwawi ddiidda arive muthu a nyuwaano mwaahimukhululukellaka mukhwiinyu ovenyera m'murimani mwanyu.”

Mateyu 18:35 ပူးပေါင်းရင်းမြစ်များ

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Mariko 11:25

Mwaawiimellaka ni ovekella, mwaakhululukelleke athu attheene ayo yuulakwenlleni. Vano Attiitthaanyu ooddullu eneerewuukhululukellani machimwaanyu.”

Mateyu 6:12

Munikhululukelle machimwaahu, wonanko mmo ninaakhululukellaahu amodda ayo enilakwenlle.

Miyambo 21:2

Erive ettilla wa muthu tti yaphaama vamiitthoni vaye koma Apwiya enneesa murima.

Miyambo 21:13

Oyo ahinawaapella maaru oohoowa yaawinllaka khanaapelliwa maaru aawinllaka.

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yakobo 3:14

Koma mwakhalla ni ehache yuullupalli ni wiikonda m'murimani mwanyu, muhikoteke ni ovaanyihana ni yawoona voollotani ddawoottha.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Zekariya 7:12

Yahummiha mirima ddiwa wunchichi wi ehiiwe malamulo ni mawu ayo mi Apwiya Amasiva Mattheene kaahuddihalleemi ni munepaaka oweella mwa anamallotella akhalle. Ekaamba ya yeella mi Apwiya Amasiva Mattheene kahaananariwella wunchichi.

Yeremiya 3:10

Komave eerille ddittheddenenndda, Yuda mwanamunne oohiroromelleya aahokollweella wa miyaano koma moolleka ohiri ni murima muttheene. Mi Apwiya koollota.”

Mateyu 18:34

Mwenoolle aasha murima wunchichi nave aamuhiyiha mullupa muttekoolle mundende wi allakiwe ophiyera wi ahokollose ekongoli ettheeneelle.”