Mateyu 18:31 - Mawu a Mulluku

³¹ Vano allupa mutteko amoddaayo yoonilliiwa yaweereyeeyo yahaapheella muru nave yaaya wa mwenoolle yamulleella ddittheddenenndde.

Mateyu 18:31 ပူးပေါင်းရင်းမြစ်များ

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

Aheberi 13:3

Muwuupuwelleke ayo eri mundende wonanko nyuwaano murittho wenko. Muwuupuwelleke ayo enahoosiwa wonanko nyuwaanottho munahoosiwella nimodda.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Luka 19:41

Aatamenlleeye o Yerusalemu nave awoonilleeye muzindooyo, aawinllella

Luka 14:21

Mullupa muttekoolle aahokollowa nave aalleella ddittheddene apwinnyaalle. Vano apwinnyaayo yaasha murima emulleella mullupa muttekoolle wi, ‘Akuva, khawe omisewuni ni o ettilla dda etawoneella nave waweena athu oohoowa, oorakalla, oohoona ni ookhwa meto.’

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

Genesis 37:2

Ella sika epilli ya nibanja na Yakobo. Yosefe ari musombwe a miyakha 17, achiha enkhosa ni epuri nimodda ni asinne, anamwani a Biliha ni a Zilipa, awariwa ang'onong'ono a attiitthinnya. Vano Yosefooyo aanaalleella attiitthinnya ddoonanara ddittheddene yeera asinnaayo.

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Masalimo 119:158

Ddinnakinanara kaawaawehaka athu oohiroromelleya vawi khenathwara malamulwaanyu.

2 Akorinto 11:21

Kinnawulliwa muru wi killote wi hiyaano naari oofooka wi neere ddeko ddennddo. Koma yeehina ekotelle wonanko ookarangeya, miyaanottho kineerokotella kaallotaka wonanko ookarangeya.

Mateyu 14:9

Vano Herode aamoriwa ethakaraka koma ekaamba yawi aallupella vamiitthoni va alletwaaye attheene, aalamula wi yoopaallaaye avahiwe.

Mateyu 18:28

“Vano mullupa muttekoolle aakhuma akumana ni mullupa mutteko mukhwaaye oyo aamukongolihalleeye makobiri ooyeva. Aamuphara amunyoka vanikohini amulleella wi, ‘Kihokolloselle nndde waakongonleewe!’

Mateyu 18:30

Koma olliye aakhoota sika aamuhiyiha mundende ophiyera wi ahokollose ekongoleeyo.

Mateyu 18:32

Sika mwenoolle aamwiithana mullupa muttekoolle amulleella wi, ‘We mullupa mutteko oonanara murima, kahuukhululukella ekongoli ettheeneelle kaambiiwa waakiveka wi kuukhululukelle.