Mateyu 18:3 - Mawu a Mulluku

³ Nave aallota wi, “Ddawoona, kinimuulleellani wi mwaahirukunuwa muneerokhalla wonanko mwaana khamuwa muvollowa mu omwene wa Mulluku.

Mateyu 18:3 ပူးပေါင်းရင်းမြစ်များ

1 Petro 2:2

Mukhalleke wonanko anamwani awaamwa, enthawi ddittheddene mukhalleke ni nthona na mukaka waphaama wa Munepa wi mwawirya muneerewunnuwa nave muneerovullusiwa.

Mateyu 19:14

Koma Yesu aallota wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.”

1 Akorinto 14:20

Asinnaka ni arokoraka, muhinaganizaka wonanko anamwani. Mukhalleke wonanko anamwani ehinadduwella ello va yoonanara nave mukhalleke oowaraalla m'maganizoni mwanyu.

Masalimo 131:2

Koma koowukhurumusa ni owumaalliha ellapo tuu murimaaka, wonanko mwaana mmo amennya enamukhurumuselliiwa ni nipelle, murimaaka onnamaalleya muwari mwaka.

Yohane 3:5

Yesu ahaakhulla wi, “Ddawoona, kinimuulleellani wi, khaavo muthu anaawore ovollowa mu omwene wa Mulluku aahiyariwa mwa maaddi ni Munepa Waweella.

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Luka 13:24

“Mullipihelle ovollowella va mullako mung'onong'ono kaambiiwa, kinimuulleellanithi wi athu anchichi eneereweesa ovollowellavo koma khewora.

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

Mitteko 28:27

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.’ ”

Yohane 1:51

Nave aallota wa yaayo wi, “Ddawoona, kinimuulleellani wi muneerewoona oddullu woohulleya nave angelo a Mulluku ewellaka ni ekitthaka vakhuviru ni miyaano Mwaana a Muthu.”

Mateyu 5:20

Kaambiiwa kinimuulleellani wi, munaavollowe mu omwene wa Mulluku mwalungama wunchichi waakhwaranya ahuddihi a malamulo* ni Afarisi* vaweerani nnddo anapaalla Mulluku.

Luka 22:32

Koma miyaano kohuuvekella weyaano Simoni wi echikhulupilwaawo ehimalle. Nave warukunuwa murima, waallipiheke murima ookhulupilila akhwaawaalla.”

Mariko 4:12

Nndda ddiri ddiidda wi, ‘Ennaweha, koma khenoonesesa, nave enniiwa, koma kheniiwesesa. Vawi yeerilleke ddiiddo yaaweerorukunuwella wa Mulluku nave aaweerewaakhululukella.’ ”

2 Petro 1:11

Mwawi ddiidda muneerewaakhullelliwesesa ovollowa mu omwene woohimalla wa Apwiihu ni Oovullusaahu Yesu Khrisitu.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Mateyu 19:23

Yesu ahaalleella oohudderaaye wi, “Ddawoona, kinimuulleellani wi tti wookatamiha wi athu eeyuuma yavollowe mu omwene wa Mulluku.

Mateyu 13:15

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Yesaya 6:10

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Mateyu 6:2

“Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

Mateyu 5:18

Vawi kinimuulleellani ddawoona wi, ophiyera oddullu ni ellapo yavatthi ddimallille, khaviwa vivenyihiwa nlemba ning'onong'ono nimodda naari etthoka emodda va malamulwaalla ophiyera ddittheddene ddeeriwe.

Mateyu 18:2

Vano Yesu aamwiithana mwaana amwiimesa variyari va attheenaayo.

Mateyu 18:4

Vano oyo aniiyeviha yeekhaaye wonanko mwaanoolla sika ari muullupalli mu omwene wa Mulluku.