Mateyu 18:28 - Mawu a Mulluku

²⁸ “Vano mullupa muttekoolle aakhuma akumana ni mullupa mutteko mukhwaaye oyo aamukongolihalleeye makobiri ooyeva. Aamuphara amunyoka vanikohini amulleella wi, ‘Kihokolloselle nndde waakongonleewe!’

Mateyu 18:28 ပူးပေါင်းရင်းမြစ်များ

Mateyu 20:2

Vano aapanganana wi aallivelleke, nikobiri nimodda vanllaponi nimodda nave ahaarumiha omata waye wi yaphare mutteko.

Ezekiele 45:9

“Mi Apwiya Mulluku kinallota wi, nyu oolamulella a Aisraele ddookikwakhwana, Hiyani ekuku ni waahoosa athwaaka. Mwiiwellelleke malamulo nave mweereke echilungamo. Ahiyeni athwaaka nave muhinaavenyihaka mwiillaponi mwiwa. Mi Apwiya Mulluku koollota.

Deuteronomo 15:2

Nave okhululukellanko oneereyeke mwawi ddiidda. Arive muthu akhululukelleke erive ello eyo amukongolihalleeye Muisraele mukhwaaye. Sika ahikoheke ekongoli ovenyera wa Muisraele mukhwaaye kaambiiwa Apwiya aalamula wi ekongoleeyo ekhululukelliwe.

Yesaya 58:3

Athu enakoha wi, “Ethiyo ninahallella tini vawi nyu Apwiya khamunoona? Ethiyo niniikatamihella tini vawiiyevihani vawi nyuwaano khamunapwathawo.” Apwiya enallota wi, “Ollota ddawoona, nllapo nne munahalleenyu ocha, munaashaasha ddeko nnddo ddinuuvaheni mphuro nave munnaahoosa allupa muttekwaanyu attheene.

Nehemiya 10:31

Nave athu a mitundu ddimodda amwiillaponimmo yawaana tirigu apaalle ddeko ddimodda ddookulliha va nllapo na Sabata, khenaakulla nllapo nenno naarittho va nirive nllapo naweella. Orive muyakha waneetthanu ni piilli nineerewiithuuwiha emata nave nineerokhululukella ekongoli ddittheddene.

Nehemiya 5:7

Sika kaaganiza m'murimani mwaka wi keerevo ello nave kahaahumullulla attekweene ni oohoollella voollotani wi, “Ethiyo tti ddawoona wi munimallivellihana naviikho anayaayove!” Nave kahiithaniha mutthukumano muullupalli wi kiwiipe mullatu.

Miyambo 28:3

Muthu oohoowa aawaanyingallellaka oohoowa akhwaaye tti wonanko murimu awoononga oyo anakwekweresa ddoohata.

Mateyu 18:27

Mwenoolle aamumorella ethakaraka, sika aamukhululukella ekongoleelle nave aamulleella wi aroweke.

Mateyu 18:29

Vano mukhwaayoolle aamukokhorella amuveka wi, ‘Kitiyere nave kineerewuuhokollosella!’

Mariko 6:37

Koma Yesu ahaakhulla wi, “Nyu mwaavahe yoocha.” Vano yaamukoha wi, “Munapaalla wi namukulle buledi a makobiri 200 wi naachihelle athu attheenaalla?”

Mariko 14:5

Makhura yaalla yeerokullihiwa voowallamella mutengo ni waavaha athu oohoowa makobiraayo.” Nave yaamuhumullulla mutthiyanooyo.

Luka 7:41

Yesu aallota wi, “Waakhalla athu eelli yakongonle makobiri wa mullupa ookongoliha. Mmoddooyo aakongonle makobiri manchichi, mmoddooyo makobiri ooyeva.

Luka 10:35

Osaka wene aakusa makobiri meelli amuvaha oowehera enyumbeeyo allota wi, ‘Omuwehereke phaama muthoolla nave wamuvaha ddeko ddookhwaranya makobiri yaalla kineerewuuhokollosella kaahokollowaka.’ ”

Yohane 6:7

Filipo ahaakhulla wi, “Naari makobiri manchichi khekwakhwanella omukulla buledi awi arive muthu amuche naari vang'ono.”