Mateyu 18:22 - Mawu a Mulluku

²² Yesu ahaakhulla wi, “Iyaayi, ohiri otthanu ni opiilli koma ophiyera olendo 70 waakullella otthanu ni opiilli.

Mateyu 18:22 ပူးပေါင်းရင်းမြစ်များ

Akolose 3:13

Muvillellaneke mmodda ni mukhwaaye nave mukhululukellane mmodda akhalla ni yookhupanya va mukhwaaye. Munaphwanella mukhululukellaneke mmodda ni mukhwaaye wonanko mmo Apwiya yuukhululukelliiwani nyuwaano.

Mariko 11:25

Mwaawiimellaka ni ovekella, mwaakhululukelleke athu attheene ayo yuulakwenlleni. Vano Attiitthaanyu ooddullu eneerewuukhululukellani machimwaanyu.”

Aefeso 4:31

Hiyani ollutuwa, osimwa, osha murima, ohumullullana, ollotellana epewe apaalle wiitana orive ottheene.

Genesis 4:24

Oyo anaamwiiphe Kaini ahokolloselliwe otthanu ni opiilli, sika wi anaakiiphe miyaano Lameki ahakolloselliwe wookwakhwana 77.”

Aroma 12:21

Muhigonjihiwe ni yoonanara koma mugonjihe yoonanara ni yaphaama.

Mika 7:19

Muneeroneerellattho echifundo Muneeronyingallella vatthi machimwaahu ni otathillella mu enyanja yoowallamella.

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.

Mateyu 18:23

Sika omwene wa Mulluku tti wonanko niphwanaphwaniho nna. Vaakhalla mwene mmodda oyo apaallille wi eerengelle ekongoli dda allupa muttekwaaye.