Mateyu 18:20 - Mawu a Mulluku

²⁰ Vawi eelli naari araru yawa etthukumana ekaamba yawi tti oohudderaaka, miyaano kiri wenko variyari viwa.”

Mateyu 18:20 ပူးပေါင်းရင်းမြစ်များ

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Zekariya 2:5

Mi Apwiya kinallota wi, “Kineerokhalla mpanda wamunllo waapheella muzindooyo nave kinaakhalle mwemmo ni ntitimiho naka nittheene.”

Yohane 20:26

Nave viviralle mallapo matthanu ni mararu, oohudderaalle yaarittho mpa mulle nave Tomasi aari vamodda ni yaayo. Machiwi eri oowallawalleene Yesu aawa iimella variyari viwa allota wi, “Murendelle okhalle ni nyuwaano.”

Yohane 20:19

Misikuwa a nllapo nenno, Nllapo Namulungu, oohudderaalle yaatthukumana vamodda. Yaawalla machiwi kaambiiwa yawoova Ayuda. Vano Yesu aawa iimella variyari viwa allota wi, “Murendelle okhalle ni nyuwaano.”

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Filemoni 1:2

Nave kinaalembellattho Afiya murokorihu ni Arkipo mukhwiihu oyo anamurumeyella Khrisitu wonanko akhoto ni mpingo oyo onakumanella mpa mwawo.

1 Atesalonika 1:1

Ovenyera wa hiyaano Paulo, Silivano ni Timoteo. Ninaalembella athu a mpingo wa o Tesalonika ayo eri a Mulluku Attiitthiihu ni Apwiya Yesu Khrisitu. Echisomo ni murendelle ddikhalle ni nyuwaano.

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

Mateyu 18:21

Vano Petro aawa wa Yesu, amukoha wi, “Apwiya, mukhwaaka aakichimwellaka wiilliwiilli, kimukhululukelleke okavi? Ophiyera otthanu ni opiilli?”

Ezekiele 46:10

Vano mwene athaananekena. Avolloweke ni athwaayo yaavollowaka nave akhumeke yaakhumaka.