Mateyu 18:16 - Mawu a Mulluku

¹⁶ Koma aahiwiiwellella omwaanjererevo mmodda apaalle eelli wi mawu mattheene yasimikizelliwe ni amboni eelli apaalle araru.

Mateyu 18:16 ပူးပေါင်းရင်းမြစ်များ

Deuteronomo 19:15

“Mboni mmodda khanakwakhwanella osimikiza wi muthu oolakwa apaalle wi oottatthamulla mullatu. Koma amboni eelli apaalle araru sika enakwakhwanella osimikiza wi muthooyo oolakwa.

2 Akorinto 13:1

Vano ella tti enthawi yaneeraru kinaweemi wa nyuwaano. Mawu a Mulluku eni, “Orive mullatu osimikizelliweke ni amboni eelli apaalle araru.”

1 Timoteo 5:19

Ohaakhullelleke mullatu wa muttekweene, vaavove vikhanlle amboni eelli apaalle araru.

Yohane 8:17

Nave ddoolembiwa m'malamulwaanyu wi omboni wa athu eelli tti woororomelleya.

Aheberi 10:28

Muthu oohithwara malamulo a Mose aniiphiwa mooheerelliwa echifundo vakhalla amboni eelli apaalle araru.

Deuteronomo 17:6

Muthooyo iiphiweke vaavove vaphwanyeya amboni eelli apaalle araru koma ahiiphiweke ekaamba ya omboni wa muthu mmodda.

Numeri 35:30

“Muthu mmodda amwiipha mukhwaaye, olliyooyo iiphiwettho amboni yavelleella omboniiwa. Koma muthooyo ahiiphiwe akhalla wi avelleelle ombonooyo tti muthu mmodda.

1 Mamwene 21:13

Athu eellaalle yaavollowa ekeraatthi moowehana ni olliye. Yaambille ni ovelleella omboni vamiitthoni va athu attheene wi, “Naboti aamutembelela Mulluku navettho mwene.” Sika athwaayo yaamukhumiha otte wa muzinda emuvokha malluku ophiyera okhwa.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”