Mateyu 18:15 - Mawu a Mulluku

¹⁵ “Mukhwaawo uuchimwella, oye wa olliyooyo wamuhumullulle murivo eelli. Awiiwellella weyaano woomuhokollosa mukhwaawooyo.

Mateyu 18:15 ပူးပေါင်းရင်းမြစ်များ

Levitiko 19:17

“Muhiniitana ni mbalaanyu m'murimani mwanyu koma mumuhumullulle mwa echilungamo wi muhaakhullellane ni nichimo naye.

Akolose 3:13

Muvillellaneke mmodda ni mukhwaaye nave mukhululukellane mmodda akhalla ni yookhupanya va mukhwaaye. Munaphwanella mukhululukellaneke mmodda ni mukhwaaye wonanko mmo Apwiya yuukhululukelliiwani nyuwaano.

Agalatiya 6:1

Asinnaka ni arokoraka, mmodda aphwanyiwa achimwaka, nyuwaano mwaakhenlle Munepa Waweella munaphwanella mumuhumullulle mwawiithaalla. Koma mwiiwehereke weekhiinyu wi nanyeenettho muheesiwe.

2 Atesalonika 3:15

Koma muhimweere mudani nave m'muchenjeze wonanko ookhulupilila mukhwiinyu.

Mateyu 18:35

Nave Yesu aamalliha ni wi, “Attiitthaaka ooddullu eneeroweerellani mwawi ddiidda arive muthu a nyuwaano mwaahimukhululukellaka mukhwiinyu ovenyera m'murimani mwanyu.”

Masalimo 141:5

Muthu oolungama ttuuwora okivadda, okihumullulla ekaamba yawi annakeerella echifundo. Koma kihaakhelle olemu wa athu oonanara vawi kinnavekella moovaanyihana ni mitteko ddiwa ddoonanara.

Aroma 12:21

Muhigonjihiwe ni yoonanara koma mugonjihe yoonanara ni yaphaama.

1 Petro 3:1

Emoddamoddave yeeyo atthiyananyu munaphwanella mwaavaheke olemu amamuninyu wi makhallellwaanyu eweerihe ayo ehiniiwellella mawu a Mulluku okhulupilila. Khophwanellattho wa nyuwaano wi mullote mawu,

1 Akorinto 8:12

Nave mwawi ddiidda vawaalakwellani asinninyu ni arokorinyu ni ophoreyiha yawuupusella murimiiwa yoofooka munamuchimwella Khrisitu.

Miyambo 11:30

Echipaso ya echilungamo tti muteekho wa okumi nave awaakopa athu tti eezeru.

2 Akorinto 7:12

Sika naari kamulembille kalata yoolle, khe ekaamba ya muthu oochimooyo apaalle oyo eerelliwe ddoonanara. Koma kamulembille kalatooyo wi muddoone weekhiinyu vamiitthoni va Mulluku mmo wunnuwa wa ntthitti nanyu okhallelliiwa va hiyaano.

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Mateyu 18:14

Emoddamoddave yeeyo Attiitthaanyu ooddullu khenapaalla wi naari mmodda mwa ang'onong'onwaalla ahollowe.

Mateyu 18:21

Vano Petro aawa wa Yesu, amukoha wi, “Apwiya, mukhwaaka aakichimwellaka wiilliwiilli, kimukhululukelleke okavi? Ophiyera otthanu ni opiilli?”

Tito 3:10

Mumuchenjeze wookwakhwana wiilli muthu awaambiha omwareya koma aahiiwellella muhimpwatheke muthooyo.