Mateyu 18:12 - Mawu a Mulluku

¹² “Muthu akhalla ni enkhosa 100 nave emodda ehollowa, anaaweere tini? Aneerohiya ddimoddannddo 99 voochihani vaavo aya aashaashaka emodda yooholloweeyo.

Mateyu 18:12 ပူးပေါင်းရင်းမြစ်များ

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Ezekiele 34:16

Kineeroddaashaasha ddaweeteeta kineeroddihokollosa ddoohollowa, kineeroddimaka makhwatiiwa ddoophoreya, kineeroddillipiha ddoofooka koma kineeroddoononga ddooneneva ni ddamasiva. Kineeroddichiha enkhosa ddaka mwa echilungamo.”

Ezekiele 34:28

Athu a mitundu ddimodda khewa ewaakhattho ddeko ddiwa nave enama ddamuhakani khaddiwa ddaattakhuna. Eneerokhalla mwamurendelle oohikhallavo oowoopiha.

Ezekiele 34:6

Enkhosa ddaka ddaapallalleya ddineeteeta omiyaangoni ni o asimiyaango oorekama. Ddaapallalleyella mwiillaponi ddittheddene oohikhallavo mmodda ooddithwara apaalle oddaashaasha.’

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

Mateyu 12:11

Yesu ahaakhulla wi, “Muthu mmodda a nyuwaano arina enkhosa emodda nave yamorella munllitini noowallamella va nllapo na Sabata, khawa ayiphara ayikhumihamo?

Yeremiya 50:6

“Athwaaka tti wonanko enkhosa ddoohollowa. Abusiiwa yahaavirikaniha ni waahollosa omiyaangoni. Yeeta shisha o asimiyaango ni omiyaangoni ophiyera yaatiwalla owaniwa.

Masalimo 119:176

Koohollowa wonanko enkhosa yoorimeella, kaashaasheni mi oorumeyellaanyu vawi nginatiwalla malamulwaanyu.

Mateyu 21:28

“Vano maganizwaanyu tti awi tini? Muthu mmodda aakhalla ni anaaye aallopwana eelli. Aaya wa mwaana awaamba allota wi, ‘Mwaanawe, khawe waphare mutteko m'matani mwa ezipaso ddampesa ollello.’

1 Akorinto 10:15

Kinallota wa nyuwaano, athu eezeru, sika ganizerani weekhiinyu ella kinalloteemi.

Mateyu 22:42

“Maganizwaanyu tti awi tini dda Mesiya?* Tti mwaana awani?” Yaamwaakhulla wi, “Tti Edduullu ya Davide.”

1 Mamwene 21:17

Vatulli viwa mawu a Apwiya yaawa wa Eliya Mutishibe wi,

Ezekiele 34:4

Khamuddillipihalle enkhosa ddoofooka, khamuddichirihalle ddoovoriiwa, khamuddimakille makhwatiiwa ddoophoreya, khamuddihokollosille ddoohollowa nave khamuddaashaashille ddoorimella. Koma mwaanaddichiha mweekuku.

Mateyu 18:13

Nave ayiphwanya, ddawoona, kinimuulleellani wi yooyo annahakallallella enkhosa yeeyo ohiyana ni 99 ddoohihollowanndde.