Mateyu 18:10 - Mawu a Mulluku

¹⁰ “Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

Mateyu 18:10 ပူးပေါင်းရင်းမြစ်များ

Masalimo 91:11

Vawi Apwiya eneerewaalamula angelwiiwa dda weyaano yuutetezeke mu ettilla ddawo ddittheddene.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Masalimo 34:7

Mungelo a Apwiya annawaapheella athu oowoova Apwiya, annaavullusa.

Luka 16:22

“Muthu oohoowooyo aakhwa nave angelo yaawa emutukhulla yamukeraatthiha vaari Abrahamu vamachellelloni ooddullu. Nayeenettho muthu a eyuumoolle aakhwa avitthiwa.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Luka 1:19

Mungelooyo ahaakhulla wi, “Mi tti Gaburiyele, oorumeyella a Mulluku, oyo akirumalle wi kuulleelle othenga waphaamoolla.

Mateyu 18:14

Emoddamoddave yeeyo Attiitthaanyu ooddullu khenapaalla wi naari mmodda mwa ang'onong'onwaalla ahollowe.

Mateyu 18:6

“Koma muthu oyo aneeriha wi mmodda a ang'onong'onwaalla ahiye okikhulupilila miyaano, waaweerokhalla waphaama wi nlluku na nsillo namakellelliweke munikohini mwaye nave apwinihiwe mu enyanja yoowallamella.

Mateyu 2:19

Vano akhwille Herode, mungelo a Apwiya ahooneya wa Yosefe muullohani mu Iguputo allota wi,

Mateyu 2:13

Alleto a wookhuma nndduwaalle erowille, mungelo a Apwiya ahooneya wa Yosefe muullohani allota wi, “Ngavenya, omukuse mwaanooyo ni amennya muthawelle o Iguputo. Wakhalle wenko ophiyera kuulleelle yaweera kaambiiwa Herode anapaalla omwiipha mwaanooyo.”

Mateyu 1:20

Vano aganizeeye ello yeella, mungelo a Apwiya ahooneya wa Yosefe muullohani allota wi, “Yosefe, edduullu ya Davide, ohoove omutthella Mariya. Erukullu yeella tti ya masiva a Munepa Waweella.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

1 Akorinto 11:22

Khamunna m'mawaninyu moochellamo ni moowiryellamo? Apaalle munapaalla ovevulla mpingo wa Mulluku ni waawulliha muru athu ehinna ello? Kuulleelleni tini dda ddenndda? Kuuriiheni? Ata, nguuriihani!

1 Akorinto 16:11

Ahikhallevo muthu anaamuvevulle koma munaphwanella mumukavihere ovirellella voolendonaaye m'murendelleni wi ahokollweelle wa miyaano vawi miyaano vamodda ni mpingo wuno ninnamutiyerella.

Aroma 14:10

Sika kaambiiwa tini munaweeruzeenyu asinninyu ni arokorinyu? Kaambiiwa tini munaavevulleenyu alliwaayo? Vawi attheene nineerewiimella vamiitthoni va Mulluku wi aneeruze.

Mitteko 27:23

Vawi mahiiyu a oddillo mungelo a Mulluku, Mulluku oyo kiriimi aaye ni oyo kinamullapelleemi, aakiweella,

Mitteko 12:23

Enthawi yeeyo mungelo a Apwiya aamweeriha Herode wi avoriiweke kaambiiwa khaamutitimihalle Mulluku. Aakhuma miingu nave aakhwa.

Mitteko 12:15

Yaamulleella wi, “Weene tti mullupaanepa!” Koma olliye aallipihella ollota wi tti ddawoona. Sika yaallota wi, “Tti mungelwaaye.”

Mitteko 10:3

Yaari enthawi ekwakhwanne 3 koloko otthaana mvo oonilleeye phaama ddene masomphenya, mungelo a Mulluku awaaka wa olliye amwiithana wi, “Korineliyo!”

Mitteko 5:19

Koma mahiiyu yaayo mungelo a Apwiya aahulla millako dda ondendenko, aakhumiha amurummwaayo, aalleella wi,

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Masalimo 15:4

Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

1 Mamwene 22:19

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.”

1 Timoteo 4:12

Muthu ahuuvevulle kaambiiwa ori musombwe koma okhalle echisanzo wa yaayo enakhulupilila, mu mawaawo, mu makhallellwaawo, mu echikondaawo, mu echikhulupililo ni mu weella murima wawo.

1 Akorinto 9:22

Kakhalla variyari va athu oofooka mu echikhulupililo kinakhalla oofooka wonanko mmodda a yaayo wi kaakope alliwaayo. Sika wa athu attheene kinakhalla wonanko alliwaayo wi apaalle kaavulluse amodda a yaayo voopharihani mutteko erive ettilla.

Aroma 15:1

Hiyaano niri ni echikhulupililo yoollipa ninaphwanella wi naakhurumuwelle oofooka mu echikhulupililo nave woohikhalla wiihakallalliha weekhiihu.

Aroma 14:21

Tti waphaama ohicha enama, ohimuwirya vinyo apaalle weera erive ello yoowaachimwiha asinninyu ni arokorinyu.

Yawuupullulla 8:2

Nave kaawoona angelo atthanu ni eelli ayo yiimenlle vamiitthoni va Mulluku nave yaavahiwa mapallapata matthanu ni meelli.

Agalatiya 6:1

Asinnaka ni arokoraka, mmodda aphwanyiwa achimwaka, nyuwaano mwaakhenlle Munepa Waweella munaphwanella mumuhumullulle mwawiithaalla. Koma mwiiwehereke weekhiinyu wi nanyeenettho muheesiwe.

2 Akorinto 10:10

Vawi amodda enallota wi, “Makalata a Paulo tti amasiva ni oowalli. Koma akhalla ni hiyaano, anakhalla oofooka nave mawaaye tti oohikhalla ni mutteko.”

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Mateyu 12:20

Khawa inttaka epango yookhoromana, naari othiimiha enyali yoothuwa, ophiyera eerihalle echilungamo wi egonjihe ddeko ddittheddene.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

Estere 1:14

Mannddiniiwa yaari Karisena, Setara, Adimata, Tarishishi, Meresi, Marisena ni Memukana. Alliwaalla yaari enduna dditthanu ni piilli dda o Persiya ni Mediya ayo yaakhullelliwa ophiyera vamiitthoni va mwene nave alla yaari oohoollella uullupalli mu omwenooyo.

2 Samuele 14:28

Abishalomu aakhalla miyakha miilli ddamututha ahoonanne ni attiitthinnya.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano