Mateyu 17:6 - Mawu a Mulluku

⁶ Oohudderaalle yiiwalliiwa yeella, yahoova wunchichi sika yaamora ekhove.

Mateyu 17:6 ပူးပေါင်းရင်းမြစ်များ

2 Petro 1:18

Hiyaano weekhiihu naariihu ni olliye vamwaangoni waweella nahiiwa mawu yaalla ovenyera oddullu.

Mitteko 26:14

Attheenehi nahiikuha nave kahiiwa mawu ellotaka wa miyaano mu ellotello ya Eheberi wi, ‘Saulo, Saulo! Onakihoosella tini? Ekaamba yawi onallipana ni miyaano oniivoreya weekha.’

Mitteko 22:7

Kahiikuha nave kahiiwa mawu ellotiwaka wa miyaano wi, ‘Saulo, Saulo! Onakihoosella tini?’

Daniele 8:17

Sika Gabriele aawa nko kiimenlle miyaano. Aphiyalle, kahoova nave kahiivokhella vatthi moopopheya ekhove koma olliye aakilleella wi, “We mwaana a muthu wiiwesese wi ddittheddene woonilleewe m'masomphenyannddo ddinallota dda enthawi yoomallihella.”

Ezekiele 43:3

Kaddoonilleemi m'masomphenya ddaari wonanko nndde kaddoonilleemi Apwiya ewaaka wi yoononge muzinda. Ddaarittho wonanko nndde kaddoonilleemi o muhinje wa Kebara. Vano kahiivokhella vatthi moopopheya ekhove.

Ezekiele 3:23

Sika kaatimulla kiya otapo. Wenko kahoona ntitimiho na Apwiya wonanko mmo koonelleemi omuhinjeni wa Kebara. Kahiivokhella ni opopheya ekhove vatthi.”

1 Epilli 21:16

Vano Davide aatukhulla miitthwaaye nave aamoona mungelo a Apwiya iimenlle variyari va ellapo yavatthi ni ellapo yooddullu. Nave m'mattani mwaye mwaari nsupada anitukhunlle onitthoonyihera o Yerusalemu. Vano Davide ni attekweene amodda yaawara ddoowara dda eziguduli, ewarama ni opopheya ekhove.

Oweeruza 13:22

Vano Manowa aamulleella mwaariye wi, “Hi nineerokhwa vawi noomoona Mulluku!”

Oweeruza 13:20

Mallumi amunllo yakhariiwa ovenyera vanikuwani, mungelo a Apwiyoolle aawella nimodda ni munllooyo, Manowa ni mwaariye yoonaka. Vano alliwaayo yaakonaatthi moopopheya ekhove ddiwa vatthi.

Levitiko 9:24

Nave Apwiya yaakhariha munllo oshellelliha mukutho wooshellelliha ni makhura nnddo ddaari vanikuwanimvo nave athu yoonilliiwa munllooyo, yaakhuwa emora ekhove ddiwa.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Mateyu 17:7

Yesu aawa aattannya allota wi, “Venyani, muhoove.”