Mateyu 17:4 - Mawu a Mulluku

⁴ Vano Petro aallota ni Yesu wi, “Apwiya, ddookhalla phaama wi hiyaano niri vaava. Mwaapaallaka, kuutthipellelleni misasa miraru vaava; mmodda wa nyuwaano, mmodda wa Mose nave mmodda wa namallotella Eliya.”

Mateyu 17:4 ပူးပေါင်းရင်းမြစ်များ

Luka 9:33

Athwaalle yamuhiyalliiwa Yesu, vano Petro aallota ni Yesu wi, “Apwiya, ddookhalla phaama wi hiyaano niri vaava, nuutthipellelleni misasa miraru vaava; mmodda wa nyuwaano, mmodda wa Mose nave mmodda wa Eliya.” Koma Petro khaadduwenlle eyo alloteeye.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Yesaya 33:17

Enthawi yeeyo miitthwaanyu eneeromoona mwene awooneya mooreera nave muneerewoona ellapo yaphaama yooramballalla.

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Masalimo 4:6

Anchichi enallota wi, “Ttaani anaanoonihelle ddaphaama.” Niwalihelleni ekhovaanyu Apwiya!

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

Afilipi 1:23

Kinnasimwella yaweera. Kinnapaalla wunchichi okhwa wi kakhalle ni Khrisitu oyo ari ello yaphaama wunchichi.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Mateyu 17:3

Enthawi yeeyo oohudderaalle yaawoona athu yakhwille khalle, Mose ni namallotella Eliya, ellotaka ni Yesu.

Yohane 7:2

Nave enthawi ya Ehakallallo ya Ayuda ya Misasa yahaatamella.