Mateyu 17:20 - Mawu a Mulluku

²⁰ Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

Mateyu 17:20 ပူးပေါင်းရင်းမြစ်များ

Luka 17:6

Apwiya yahaakhulla wi, “Mwaakhanllekena echikhulupililo yooyeva wonanko mmiddo wa masitadi, mwaaweerollota wa muteekho wanamukuyoolla wi, ‘Otulliwe waalliwe o enyanja nave waawerowiiwellellani.’

Mariko 11:23

Ddawoona, kinimuulleellani wi muthu ahiikayikellaka yeekha m'murimani mwaye koma anakhulupilila wi eyo allotilleeye eneereweereya nave allota wa mwaangoolla wi, ‘Venya wiivokhelle weekha mu enyanja,’ eneereweereya.

Luka 18:27

Yesu aawaakhulla wi, “Ddoohiworeya ni athu ddinaworeya ni Mulluku.”

Luka 1:37

Vawi kheyiivo ello enaalepheliwe ni Mulluku.”

Mateyu 21:21

Yesu ahaakhulla wi, “Ddawoona, kinimuulleellani wi mwakhalla ni echikhulupililo ni oohikayika, khamweera yeellave kenreemi va muteekho wanamukuyoolla koma naari ollota wa mwaangoolla wi, ‘Venya wiivokhelle weekha mu enyanja,’ eneereweereya.

Mariko 9:23

Yesu aallota wi, “Kaaworaka? Ddittheddene ddinaworeya ni oyo ari ni echikhulupililo.”

1 Akorinto 13:2

Naari kirina emphaso ya onamallotella naari kidduwellaka ddittheddene ni wiiwesesa ddoovittheya ddittheddene; naari kirina echikhulupililo yuullupalli yoowora osusa miyaango koma kaahikhalla ni echikondi, nginna mutteko.

Mateyu 13:31

Yesu ahaalleella niphwanaphwaniho nimodda wi, “Omwene wa Mulluku tti wonanko mmiddo wa muteekho wa masitadi oyo muthu awumiddalleeye m'matani mwaye.

Yohane 11:40

Yesu aallota wi, “Ngawuulleelle wi wakhulupilila oneerewoona ntitimiho na Mulluku?”

Mariko 4:31

Omwene wa Mulluku tti wonanko mmiddo wa muteekho wa masitadi. Vano waamiddiwaka muthayani onakhalla ori wooyevesesa ohiyana ni orive mmiddo mu ellapo yavatthi.

Aheberi 3:19

Vano nohoona wi kheyaavollowillemo munipuroni mulle kaambiiwa kheyaakhulupililalle.

Mateyu 17:17

Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

1 Akorinto 12:9

Munepa mmoddamoddave yooyo anavaha echikhulupililo wa muthu mmodda nave wa muthu mmodda anamvaha masiva oochiriha.

Mateyu 17:9

Yakitthalliiwa m'mwaangonimmo, Yesu ahaalamulella wi, “Muhimulleelle muthu moonilleenyunnddo, ophiyera olliye Mwaana a Muthu avenyihiwe wa ookhwa.”

Mateyu 8:26

Yesu ahaakhulla wi, “Munoova ekaamba ya tini? Nyu athu eechikhulupililo yooyeva.” Vano aavenya asimwella ephevweeyo ni maaddaayo nave waakhalla okhurumuwa wuullupalli.

Mateyu 17:19

Vano oohudderaalle yaawa wa Yesu arivo yeekhaaye emukoha wi, “Kaambiiwa tini hiyaano khanaawonre okhumiha munepa woonanara?”

Mariko 11:22

Yesu ahaakhulla wi, “Mukhalle ni echikhulupililo mwa Mulluku.

Mateyu 14:29

Yesu ahaakhulla wi, “Waawo!” Sika Petro aakittha mukallawani mulle aamba weeta vamaaddini valle oya wa Yesu.