Mateyu 16:27 - Mawu a Mulluku

²⁷ Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 16:27 ပူးပေါင်းရင်းမြစ်များ

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

Masalimo 62:12

Navettho nyu Apwiya, echikondaanyu tti yoohisintheya, nyuwaano munnamuhokollosella muthu moollikana ni mitteko ddaye.

Aroma 2:6

Vawi Mulluku aneeromuthuva arive muthu moollikana ni mitteko ddaye.

Aroma 14:12

Sika arive muthu aneeromutakhella Mulluku ddeko eerilleeye.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Aefeso 6:8

Munnadduwella wi Apwiya eneeromuthuva arive muthu va muttekwaaye waphaama naari kaporo apaalle ahiri kaporo.

Yuda 1:14

Enoki, muthu a mbado waneetthanu ni piilli ovenyera va Adamu, aallotella dda yaalla wi, “Ngoonani! Apwiya eneeroowa ni angelwiiwa ooheerengeya.

Miyambo 24:12

Ohillote wi, “Ngoonani, khenaayidduwella.” Ethiyo aweesa mirima khanaddidduwella ddenndda? Ethiyo oosunga okumaawo khanaddidduwella? Ethiyo khanamuhokollosella muthu moollikana ni meerellwaaye?

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yobu 34:11

Annamuhokollosella muthu moollikana ni mitteko ddaye, annammorihella muthu moollikana ni meetellwaaye.

Mateyu 25:31

“Mi, Mwaana a Muthu, kaawaka mu ntitimiho naka wonanko mwene ni angelo attheene, kineerokeraatthi vampandonaaka wantitimiho.

Yeremiya 32:19

Ddoolinga ddanyu tti dduullupalli nave mitteko ddanyu tti ddamasiva. Miitthwaanyu ennoona ddaweera ddittheddene dda athu nave munnamullivella arive muthu moollikana ni mitteko ddaye.

Luka 21:27

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Mariko 14:62

Yesu ahaakhulla wi, “Tti meene nave muneerokoona mi, Mwaana a Muthu, kikeraatthille onnattanatta na Mulluku Amasiva Mattheene kiwaaka vamiraponi ddooddullu!”

Mariko 8:38

Muthu aawulliwaka muru ekaamba ya miyaano ni mawaaka wa athu a mbadoolla, ooraruwa ni oochimwa, vano mi, Mwaana a Muthu, kineerowulliwa muru ni olliye kaawaaka mu ntitimiho na Attiitthaaka ni angelo aweella.”

Mateyu 24:30

Vano vaavo echizindikiro ya mi, Mwaana a Muthu, eneerewooneya muddullu. Navettho malloko mattheene a athu a va ellapo yavatthimva eneerekewinlla yaakoonaka mi Mwaana a Muthu kiwaaka vamiraponi ddooddullu ni masiva ni ntitimiho nuullupalli.

Zekariya 14:5

Nyuwaano muneerothawa vooweellani mu ntapo nenno na variyari va mwaango. Muneerothawa wonanko mwathawelleenyu enthawi ya echivomezi va enthawi ya Uziya mwene a o Yuda. Vatulli viwa Apwiya Mullukwaanyu eneeroowa vamodda ni aweelliiwa attheene.

Ezekiele 7:27

Mwene aneerewinlla nave enduna ddaye ddineerewoova. Matta a athu a mwiillaponimmo eneerofooka ekaamba yawoova. Kineerewaallaka moollikana ni machimwiiwa, kineeroweeruza moollikana ni mmo alliwa yaweeruzelliiwa akhwiiwa. Sika eneerodduwella wi mi tti Apwiya.”

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Mitteko 1:11

Allopwana yaalla yaallota wi, “Nyu Agalileya, mwiimellelle tini munaweha oddullu? Yesu oyo aawellihiwe oya oddullu ovenyera wa nyuwaano, aneerohokollowattho wonanko mmo mwamoonilleenyu ayaaka oddullu.”

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

Luka 22:69

Waambeella vaavo muneerokoona mi Mwaana a Muthu kikeraatthille o nnattanatta na Mulluku Amasiva Mattheene.”

Luka 9:26

Muthu aawulliwaka muru ekaamba ya miyaano ni mawaaka vano mi Mwaana a Muthu kineerowulliwa muru ni olliye kaawaaka mu ntitimiho naka ni ntitimiho na Attiitthaaka ni angelo aweella.

Mateyu 13:49

Ddinaakhallettho ddiidda va omalla wa ellapo yavattheella. Angelo eneeroowa nave eneerewaatthukumaniha athu oonanara ni waavenyihavo variyari va oolungama.

Daniele 7:10

Muhinje wamunllo waakhuma oneeta vamiitthoni vaye. Mulloko wa athu anchichi waanamurumeyella nave mulloko mmodda wa athu ooheerengeya wahiimella vamiitthoni vaye. Sika nthato nahaamba weeruza mullatu nave mabukhu yaakhunuulliwa.

1 Atesalonika 1:10

ni mmo munamutiyerelleenyu Mwanaye wi awe ovenyera oddullu. Mwaana yooyo tti Yesu oyo aamuvenyihalleeye wa ookhwa ni oyo anaanivulluse o osha murima wa Mulluku onawanko.

1 Atesalonika 4:16

Vineerokhalla okhuwa ni mawu a muullupalli a angelo, owaaka mawu a nipallapata na Mulluku nave Apwiya weekhiiwa eneerokittha ovenyera oddullu. Nave ayo yakhwille emukhulupililaka Yesu eneerovenya mwawaambeellella.

Mateyu 13:41

Miyaano Mwaana a Muthu kineerewaarumiha angelwaaka wi yaakhumihe mu omwenaaka athu oowaachimwiha akhwiiwa ni attheene aweera ddeko ddoonanara.

1 Akorinto 8:8

Koma yoocha kheneeriha wi naattane ni Mulluku; kheyiivo eyo ninarameehu naahicha yoocheeyo navettho nacha khaninaphwanyavo ello.

Mateyu 8:20

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

Oollalleya 3:17

Sika miyaano kaallota m'murimani wi, “Mulluku aneeroweeruza attheene, oolungama ni oonanareene vawi vookhalla enthawi ya erive yaweereya ni orive mutteko.”

Ezekiele 18:20

Muthu anaakhwe tti oyo achimwalle. Mwaana khakhwella machimo a attiitthinnya nave attiitthi khekhwella machimo a mwaniwa. Muthu oolungama aneerohata dda echilungamwaaye. Muthu oonanara aneerohata ddoonanara ddaye.”

Yohane 21:22

Yesu aamwaakhulla wi, “Kapaalla wi olliyoolla ahikhwe ophiyera kihokollowille, weyaano ddenndda orina mutteko tini? Kithware!”

Yohane 21:23

Sika epilli yeella yaavuwa variyari va oohuddera a Yesu wi oohuddera yoolla khakhwa. Koma Yesu khaallotille wi khakhwa, aallotille wi, “Kapaalla wi olliyoolla ahikhwe ophiyera kihokollowille, weyaano ddenndda orina mutteko tini?”

1 Akorinto 3:13

Nave oreera wa mutteko wa arive muthu oneerewuupullulliwa va nllapo na echiweruzo vawi nllaponno nineerophiya ni munllo nave munllooyo sika onaalinge mitteko dda arive muthu.

1 Akorinto 15:23

Nave arive muthu aneerovenyihiwa va enthawaaye. Vawaamba va attheene, Khrisitu, vatulli viwa ayo eri aaye a Khrisitu va enthawi anaaweeye.

Akolose 3:25

Nave aweera ddoonanara eneerewaakhella yoonanara eneeriiwa kaambiiwa Mulluku annamweeruza arive muthu moohiweha ekhove.

Yakobo 5:7

Asinnaka ni arokoraka, villellani wonanko muthu oollima ophiyera owa wa Apwiya. Annatiyera wi ezipaso ddaphaama ddooneye m'matani mwaye. Annatiyera moovillella ophiyera ddirupelliwe ni murimu awaamba ni oomallihella.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.